వినోదం
ఓయ్-బొమ్మ శివకుమార్
ఐకాన్ స్టార్ అల్లు అర్జున్, కోలీవుడ్ స్టార్ డైరెక్టర్ అట్లీ కాంబోలో సన్ పిక్చర్స్ నిర్మిస్తున్న చిత్రం ‘రాకా’. రూ. 800 కోట్లతో దేశంలోనే అత్యంత భారీ బడ్జెట్తో తెరకెక్కుతున్న చిత్రాల్లో రాకా ఒకటి. అల్లు అర్జున్, అట్లీ క్రేజీ కాంబో కావడం ఫిల్మ్ సర్కిల్స్లో హాట్ టాపిక్గా మారింది. ఈ సినిమాపై అభిమానుల్లో కూడా భారీ అంచనాలు ఉన్నాయి. అయితే ఈ సినిమా ఎప్పుడు విడుదలవుతుంది? దానికోసమే వెయిట్ చేస్తున్నా.
రీసెంట్ గా ఏప్రిల్ 8న బన్నీ బర్త్ డే సందర్బంగా చిత్ర బృందం ఓ కీలక అప్ డేట్ ఇచ్చి అభిమానులను సర్ ప్రైజ్ చేసింది. ఏకంగా అల్లు అర్జున్ ఫస్ట్ లుక్ రిలీజ్ అవ్వడంతో సినిమాపై ఒక్కసారిగా బజ్ పెరిగిపోయింది. ఈ సినిమా టైటిల్ని కూడా ప్రకటించారు. ఈ చిత్రానికి రాకా అనే టైటిల్ ను ఫిక్స్ చేశారు. ఈ సినిమాలో అల్లు అర్జున్ లుక్ చూస్తే మైండ్ బ్లాక్.. షేవ్ లుక్, భారీ గోళ్లు, బీస్ట్ స్టైల్. అంతేకాదు, ‘ఇది ఆరంభం మాత్రమే, సినిమా మీ ఊహకు అందని విధంగా ఉంటుంది’ అంటూ చిత్రబృందం ఇచ్చిన క్యాప్షన్ హైప్ని మరింత పెంచింది.
ఈ సినిమాలో అల్లు అర్జున్ పాత్రకు సంబంధించిన ఓ వార్త సోషల్ మీడియాలో వైరల్ అవుతోంది. రాకా సినిమాలో అల్లు అర్జున్ పాత్ర మానసికంగా మెరుగవుతుందనే టాక్ వినిపిస్తోంది. ఈ సినిమాలో హీరో పగలు మనిషిలా.. రాత్రి రాక్షసుడిగా మారిపోతాడు. అలాగే రాకా చిత్రంలో అల్లు అర్జున్ ద్విపాత్రాభినయం చేస్తున్నాడు. ఇందులో ఒక పాత్ర పాజిటివ్ అయితే మరో పాత్ర నెగెటివ్ గా ఉంటుందని తెలుస్తుంది.
రాకా చిత్రాన్ని దర్శకుడు అట్లీ అద్భుతంగా తెరకెక్కిస్తున్నాడని ఫిల్మ్ నగర్ వర్గాలు మాట్లాడుకుంటున్నాయి. ఈ సినిమా కచ్చితంగా ఇండస్ట్రీ రికార్డులను బ్రేక్ చేస్తుందని అంటున్నారు. మరి ఇందులో ఎంత వరకు నిజం ఉందో రానున్న రోజుల్లో తెలియాల్సి ఉంది. కాకపోతే రాకా చిత్రంలో దీపికా పదుకొనే, మృణాల్ ఠాకూర్, జాన్వీ కపూర్, రష్మిక మందన కీలక పాత్రలు పోషిస్తున్నారనే టాక్ వినిపిస్తోంది.