వినోదం
ఓయ్-బొమ్మ శివకుమార్
కోలీవుడ్ స్టార్ హీరో ధనుష్ సినిమా కోసం తమిళ ప్రేక్షకులతో పాటు తెలుగు ప్రేక్షకులు కూడా ఎంతో ఆసక్తిగా ఎదురుచూస్తున్నారు. ఆయన ఎంచుకునే కథలు అలాంటివే. గతేడాది కుబేర, ఇడ్లీ కొట్టు, తేరే ఇష్క్ మైన్ వంటి మూడు సినిమాలతో అలరించిన ధనుష్ ఈ ఏడాది ‘కారా’ సినిమాతో అలరించేందుకు ప్రేక్షకుల ముందుకు రాబోతున్నాడు. ఈ చిత్రానికి విఘ్నేష్ రాజా దర్శకత్వం వహిస్తున్నారు. ధనుష్ సరసన మమితా బైజు హీరోయిన్ గా నటించింది. వెల్స్ ఫిల్మ్ ఇంటర్నేషనల్ బ్యానర్పై ఐశారి కె గణేష్ ఈ చిత్రాన్ని నిర్మిస్తున్నారు. ఏప్రిల్ 30న తమిళంతో పాటు తెలుగులోనూ విడుదల కానున్న ఈ సినిమా ధనుష్ సినిమా కావడంతో ఈ సినిమాపై అంచనాలు భారీగా ఉన్నాయి.
ఇటీవల హైదరాబాద్లో జరిగిన ప్రీ రిలీజ్ ఈవెంట్లో ధనుష్, మమితా బైజు సందడి చేశారు. ఈ కార్యక్రమానికి అతిధులుగా హాజరైన మెగా హీరో సాయిదుర్గ తేజ్, దర్శకులు బుచ్చిబాబు సన, వెంకీ అట్లూరి తదితరులు సినిమా విజయం సాధించాలని ఆకాంక్షించారు. ఈ వేడుకలో ధనుష్ మాట్లాడుతూ.. ఓ సాధారణ యువకుడి కథ ఇది. కుబేరుడు, ఇడ్లీ కొట్టు సినిమాల తర్వాత మళ్లీ తెలుగు ప్రేక్షకుల ముందుకు వస్తున్నట్లు తెలిపారు.
కారా సినిమా కథ విషయానికి వస్తే.. గ్రామీణ నేపథ్యంలో సాగుతుంది. పల్లెటూరి యువకుడిగా ధనుష్ నటించాడు. అతని పాత్ర పేరు కరస్వామి. అతడు దొంగ. కానీ అతను ఆ ఉద్యోగం మానేసి మళ్లీ గ్రామానికి వస్తాడు. అయితే కొన్ని కారణాల వల్ల మళ్లీ దొంగగా మారాడు. బ్యాంకులను దోచుకుంటున్నాడు. బ్యాంకులను ఎందుకు టార్గెట్ చేశాడు? భార్య మమితా బైజు ఏం చేసింది..? ఇదీ సినిమా కథ..
తాజాగా ఈ సినిమా సంగీత దర్శకుడు జివి ప్రకాష్ కుమార్ తన సోషల్ మీడియా ఖాతాలో కారా సినిమాపై రివ్యూను పోస్ట్ చేశారు. “ఇప్పటికే సినిమా చూశాను.. సినిమా బాగుంది.. స్లో బర్న్ థ్రిల్లర్.. ప్రేక్షకులకు తప్పకుండా నచ్చుతుంది.. అందుకే ఈ పోస్ట్ వైరల్ అయ్యింది.. కారాతో మరో హిట్ అంటూ ధనుష్ ఫ్యాన్స్ ఫుల్ ఖుషీగా ఉన్నారు.. ఇక ఈ సినిమా ఏప్రిల్ 30న వరల్డ్ వైడ్ గా రిలీజ్ కానుంది.