వినోదం
ఓయ్-బొమ్మ శివకుమార్
ఎంత గొప్ప హీరోకైనా ఓ హద్దు ఉంటుంది. అయితే కేవలం కొంతమంది సెలబ్రిటీలు మాత్రమే ప్రపంచవ్యాప్తంగా అభిమానులను ఏర్పరచుకున్నారు. అందులో టాప్ ప్లేస్ లో మైఖేల్ జాక్సన్.. డ్యాన్స్ అనగానే మనకు గుర్తుకు వచ్చేది మైఖేల్ జాక్సన్.. తన డ్యాన్స్ తో పాప్ ప్రపంచానికి రారాజుగా మారాడు మైఖేల్ జాక్సన్. అయితే అతడికి ప్రాణం పోసిన సినిమా ‘మైఖేల్’. ఈ సినిమాలో మైఖేల్ జాక్సన్ పాత్రలో అతని మేనల్లుడు జాఫర్ జాక్సన్ నటిస్తుండడంతో సినిమాపై అంచనాలు ఆకాశాన్ని తాకాయి. అందుకు తగ్గట్టుగానే ఈ సినిమా బాక్సాఫీస్ వద్ద సంచలనం సృష్టిస్తోంది.
వరల్డ్ వైడ్ గా భారీ హిట్ గా నిలిచిన అవతార్ సినిమా అవెంజర్స్ సినిమాలను కూడా మించి కలెక్షన్లలో దూసుకుపోతోంది. ఈ చిత్రానికి ఆంటోని ఫుక్వా దర్శకత్వం వహిస్తున్నారు. మైఖేల్ మూవీలో జాఫర్ జాక్సన్ నటన ఆకట్టుకుంటుంది. నిజంగానే మైఖేల్ జాక్సన్ మన ముందుకు వచ్చినట్లే అనిపిస్తుంది.. మైఖేల్ జాక్సన్ పాత్రలో జాఫర్ జాక్సన్ అద్భుతంగా ఎంట్రీ ఇచ్చాడనే చెప్పాలి. సినిమాలో జాఫర్ జాక్సన్ బాడీ లాంగ్వేజ్, ఐకానిక్ మూమెంట్స్ మరియు స్టేజ్పై ఎనర్జీ మైఖేల్ జాక్సన్ మళ్లీ జన్మించినట్లు అనిపిస్తుంది.
ఇక మైఖేల్ సినిమా ఏప్రిల్ 24న ప్రపంచంలోని అన్ని ప్రాంతీయ భాషల్లో విడుదలై రికార్డు కలెక్షన్లతో దూసుకుపోతోంది. తొలిరోజు నెగిటివ్ రివ్యూలు వచ్చినా ఈ సినిమా కలెక్షన్లు క్రమంగా పెరుగుతున్నాయి. మైఖేల్ చిత్రం ప్రపంచవ్యాప్తంగా ఉత్తర అమెరికా మార్కెట్ నుండి దాదాపు 97 మిలియన్ డాలర్లను వసూలు చేసినట్లు సమాచారం. అంటే ఇక్కడ మైఖేల్ సినిమా అవతార్ 3ని మించిపోయింది. ఇది మామూలు రికార్డు కాదు.
అంతర్జాతీయ మార్కెట్లో ఈ చిత్రం ఇప్పటి వరకు 120 మిలియన్ డాలర్లను వసూలు చేసిందని వినికిడి. అలాగే ఈ సినిమా ఓవరాల్ గా తొలి మూడు రోజుల గ్రాస్ కలెక్షన్ 217 మిలియన్ డాలర్లకు పైగానే రాబట్టిందని, మన ఇండియన్ కరెన్సీలో దాదాపు రూ. 2 వేల కోట్లకు పైగా ఉంది. మరి ఈ రేంజ్ కలెక్షన్స్ తో మైఖేల్ సినిమా ఇంకెన్ని రికార్డులు బ్రేక్ చేస్తుందో వేచి చూడాలి.