తెలంగాణ
ఓయ్-సాయి చైతన్య
అలాగే వంట గ్యాస్ కష్టాలు కొనసాగుతున్నాయి. వంటగ్యాస్ సరఫరాలో ఇబ్బంది లేదని ప్రభుత్వాలు చెబుతున్నా పంపిణీలో మాత్రం వినియోగదారులు ఇబ్బందులు పడుతున్నారు. మూడు ప్రధాన చమురు కంపెనీలలో ఒక్కొక్కటి ఒక్కో విధంగా పంపిణీ చేస్తాయి. బుకింగ్స్కు లాకింగ్ పీరియడ్ అమలులోకి రావడంతో బుకింగ్లను నియంత్రిస్తున్నా.. ఆ మేరకు సరఫరా మెరుగుపడడం లేదు. దీంతో పలు ప్రాంతాల్లో వినియోగదారులు ఇబ్బందులు పడుతున్నారు. తాజాగా గ్యాస్ కోసం ఎదురుచూస్తున్న వారి వివరాలు. సరఫరాపై అధికారులు స్పష్టత ఇచ్చారు.
వంటగ్యాస్ సమస్య లేదని.. ప్రస్తుతం రాష్ట్రంలో 15 లక్షలకు పైగా సిలిండర్ల డెలివరీ పెండింగ్ లో ఉందన్నారు. ఇవి డెలివరీ కావడానికి దాదాపు వారం రోజులు పట్టే అవకాశం కనిపిస్తోంది. సిలిండర్ కోసం బుక్ చేసుకున్న తర్వాత, సిలిండర్ కస్టమర్ ఇంటికి చేరుకోవడానికి కనీసం రెండు మూడు వారాల సమయం పడుతుంది. డోర్ డెలివరీ ఆలస్యం కావడంతో వినియోగదారులు ఏజెన్సీలకు పరుగులు తీస్తున్నారు. వాస్తవానికి రాష్ట్రంలో 1.30 కోట్ల గృహ గ్యాస్ కనెక్షన్లు ఉన్నాయి. సాధారణ రోజుల్లో రాష్ట్రవ్యాప్తంగా రోజుకు 2.15 లక్షల బుకింగ్లు జరుగుతాయి. రోజుకు ఐవోసీఎల్ 93 వేలు, హెచ్ పీసీఎల్ 75 వేలు, బీపీసీఎల్ 47 వేల గ్యాస్ సిలిండర్లను సరఫరా చేస్తోంది. యుద్ధం ప్రారంభానికి ముందు సాధారణ రోజుల్లో రాష్ట్రంలో రోజుకు 3.50 లక్షల పెండింగ్ బిల్లులు (బుకింగ్) ఉండేవి. ఇందులో 2.15 లక్షల సిలిండర్లు సరఫరా అయ్యాయి. మిగిలినవి మరుసటి రోజు పంపిణీ చేయబడతాయి. కానీ, ఇప్పుడు పెండింగ్ బుకింగ్స్ సంఖ్య 15 లక్షలకు పెరిగింది.
ప్రభుత్వ నిరంతర నిఘా.. పర్యవేక్షణ
ప్రస్తుతం పెండింగ్లో ఉన్న వారికి సిలిండర్ అందాలంటే 7-8 రోజులు పడుతుంది. మరోవైపు కొత్త బుకింగ్ల సంఖ్య కూడా పెరుగుతోంది. దీంతో గ్యాస్ సరఫరా సమస్యల పరిష్కారానికి ప్రభుత్వం ప్రత్యేక హెల్ప్లైన్ను ఏర్పాటు చేసింది. గ్యాస్ పంపిణీలో జాప్యం జరిగితే వినియోగదారులు ప్రభుత్వం కేటాయించిన టోల్ ఫ్రీ నంబర్ 1967కు ఫోన్ చేసి ఫిర్యాదు చేయవచ్చు. ఈ నంబర్ ద్వారా పౌరసరఫరాల శాఖకు నేరుగా సమాచారం అందుతుంది. ఫిర్యాదు అందిన వెంటనే సంబంధిత అధికారులు సత్వరమే స్పందించి సమస్య పరిష్కారానికి ఆదేశాలు జారీ చేశారు. అదే విధంగా గ్యాస్ సరఫరాలో జాప్యం జరిగితే డెలివరీ బాయ్స్ నిర్ణీత ధర కంటే ఎక్కువ వసూలు చేసినా, సిలిండర్ లో గ్యాస్ తక్కువగా ఉన్నట్లు అనుమానం వచ్చినా పౌరసరఫరాల శాఖకు సమాచారం అందించాలని అధికారులు సూచించారు. గ్యాస్ ఏజెన్సీల నిల్వలు, బుకింగ్ వివరాలను పారదర్శకంగా ఉంచాలని అధికారులు ఆదేశించారు.