అంతర్జాతీయ
ఓయ్-బొమ్మ శివకుమార్
పశ్చిమాసియాలో ఉద్రిక్త పరిస్థితులు కాస్త తగ్గుముఖం పట్టాయి. ఇరాన్, అమెరికా మధ్య కాల్పుల విరమణ ఒప్పందం తర్వాత పశ్చిమాసియాలో యుద్ధానికి తాత్కాలిక బ్రేక్ పడింది. ఈ మేరకు పాకిస్థాన్ రాజధాని ఇస్లామాబాద్లో ఇరాన్, అమెరికా మధ్య శాంతి చర్చలు కొనసాగుతున్నాయి. ఇరాన్, అమెరికా జట్లు ఇప్పటికే ఇస్లామాబాద్ చేరుకున్నాయి. ముందుగా ఇరాన్, అమెరికా ప్రతినిధులతో పాక్ ప్రతినిధులు విడివిడిగా చర్చలు జరుపుతున్నారు. ఆ తర్వాత మూడు దేశాల మధ్య త్రైపాక్షిక చర్చలు ప్రారంభమవుతాయి.
ఇరాన్తో చర్చల సందర్భంగా అమెరికా అధ్యక్షుడు డొనాల్డ్ ట్రంప్ కీలక వ్యాఖ్యలు చేశారు. అమెరికా వద్ద అత్యధిక చమురు ఉందని ట్రంప్ పేర్కొన్నారు. ప్రపంచంలోనే అత్యధిక చమురు నిల్వలున్న రష్యా, సౌదీ అరేబియా కంటే తమ వద్ద నాణ్యమైన చమురు ఉందని ఆయన అన్నారు. ఈ మేరకు ఖాళీ ఆయిల్ ట్యాంకర్లు అమెరికా వైపు వస్తున్నాయని, ఆయిల్ ఎగుమతి చేసేందుకు అమెరికా సిద్ధమైందన్నారు. ఈ మేరకు ఏర్పాట్లు జరుగుతున్నాయని ట్రంప్ పేర్కొన్నారు. ఈ మేరకు ప్రపంచ దేశాలకు ట్రంప్ పిలుపునిచ్చారు.
మరోవైపు ఇరాన్కు ట్రంప్ మరోసారి వార్నింగ్ ఇచ్చారు. చర్చలు విఫలమైతే పశ్చిమాసియాలో పరిస్థితి మరింత దిగజారుతుందని హెచ్చరించారు. ఇరాన్ వైఫల్యం వల్లే చర్చలు ఇప్పటికే ఐదు గంటలు ఆలస్యమయ్యాయని ఆయన స్పష్టం చేశారు. ఇరాన్తో శాంతి చర్చల సందర్భంగా ట్రంప్ చేసిన వ్యాఖ్యలు పశ్చిమాసియాలో మరోసారి కలకలం రేపుతున్నాయి. ఇస్లామాబాద్లో అమెరికా, ఇరాన్ ప్రతినిధుల మధ్య కీలక చర్చలు జరుగుతున్నాయి. అమెరికా తరపున జెడి వాన్స్, ఆ దేశ ఉపాధ్యక్షుడు జారెడ్ కుష్నర్ హాజరయ్యారు. అలాగే ఇరాన్ తరఫున మహమ్మద్ బకర్ కలీబాఫ్ నేతృత్వంలోని బృందం ఇస్లామాబాద్ చేరుకుంది.
మరోవైపు శాంతి చర్చలకు ముందు ఇరాన్ ప్రతినిధులు పాక్ ప్రధాని షెహబాజ్ షరీఫ్ను కలిశారు. శాంతి చర్చల ముందు ఇరాన్ రెండు డిమాండ్లు చేసినట్టు సమాచారం. లెబనాన్ పై ఇజ్రాయిల్ దాడులను వెంటనే ఆపాలని, స్తంభింపజేసిన ఆస్తులను వెంటనే విడుదల చేయాలని డిమాండ్లు చేసినట్లు సమాచారం.