తెలంగాణ
ఓయ్-సాయి చైతన్య
మాజీ మంత్రికి కేసీఆర్ పెద్ద పని అప్పగించారు. 2028 ఎన్నికలే లక్ష్యంగా మాజీ సీఎం కొత్త వ్యూహాలతో సిద్ధమవుతున్నారు. జీవన్ రెడ్డి బీఆర్ఎస్లో లాంఛనంగా ఉన్నారు. దీనికి ముహూర్తం ఫిక్స్ చేశారు. 2023 ఎన్నికల్లో ఓటమి తర్వాత ఎక్కువగా ఫామ్హౌస్కే పరిమితమైన కేసీఆర్.. జీవన్రెడ్డితో భేటీలో కీలక అంశాలను ప్రస్తావించారు. పార్టీలో కీలక బాధ్యతలు అప్పగించేందుకు సిద్ధమయ్యారు. ఆపరేషన్ కాంగ్రెస్ లక్ష్యంగా పెట్టుకున్నారు.
మాజీ ముఖ్యమంత్రి కేసీఆర్ ను కలిసిన జీవన్ రెడ్డి కూడా ఈ నెల 20న గులాబీ పార్టీలో చేరాలని నిర్ణయించుకున్నారు. ‘అన్నా.. నీతో కలిసి పనిచేయడానికే దేవుడు నన్ను ఇక్కడికి పంపించాడు’ అంటూ కేసీఆర్ ను ఉద్దేశించి జీవన్ రెడ్డి ఉద్వేగభరితంగా చేసిన వ్యాఖ్యలు వైరల్ అవుతున్నాయి. అదే సమయంలో తెలంగాణ కష్టాల్లో ఉన్న తరుణంలో మీతో కలిసి పనిచేయాల్సిన అవసరం ఎంతో ఉందని, ఈ అవకాశం రావడం సంతోషంగా ఉందన్నారు. తనకు సత్తా ఉంది కాబట్టే కాంగ్రెస్ అధిష్టానం 14 సార్లు భీ ఫారం ఇచ్చిందని జీవన్ రెడ్డి అన్నారు. కాంగ్రెస్ పోయిందని, కేసీఆర్ మళ్లీ రావాలని ప్రజలు తహతహలాడుతున్నారని వివరించారు. మరోవైపు బీఆర్ఎస్ పార్టీలో తగిన ప్రాధాన్యత ఉంటుందని, ప్రజల కోసం కలిసి పని చేద్దామని జీవన్ రెడ్డికి కేసీఆర్ స్పష్టం చేశారు.
జీవన్ రెడ్డి కీలక బాధ్యతలకు రంగం సిద్ధమైంది
ఈ నెల 20న జగిత్యాలలో భారీ సభ నిర్వహించి తన అనుచరులు, నియోజకవర్గ ప్రజల సమక్షంలో బీఆర్ ఎస్ పార్టీలో చేరనున్నట్లు జీవన్ రెడ్డి తెలిపారు. ఇదిలా ఉంటే కాంగ్రెస్లో కష్టాల్లో ఉన్న నేతలను తమవైపు తిప్పుకునే ప్రయత్నాలపై బీఆర్ఎస్ నాయకత్వం దృష్టి సారించినట్లు తెలుస్తోంది. పార్టీలో చేరిన తర్వాత జీవన్ రెడ్డికి కీలక బాధ్యతలు అప్పగించేందుకు కేసీఆర్ స్కెచ్ సిద్ధం చేసినట్లు సమాచారం. సుదీర్ఘకాలంగా కాంగ్రెస్లో పనిచేసిన జీవన్రెడ్డి.. కాంగ్రెస్ను టార్గెట్ చేయాలని నిర్ణయించుకున్నారు.
అందులో భాగంగానే ఇప్పటికే జీవన్ రెడ్డి నేరుగా ముఖ్యమంత్రిపై విమర్శలు చేస్తున్నారు. పార్టీ ప్లీనరీ తర్వాత వరుసగా జిల్లాల పర్యటనకు కేసీఆర్ ప్లాన్ చేస్తున్నట్లు తెలుస్తోంది. ఇప్పుడు జీవన్ రెడ్డి పార్టీని వీడారని కాంగ్రెస్ నేతలు విమర్శిస్తుంటే.. జీవన్ రెడ్డిని కాంగ్రెస్ పై అస్త్రంగా మలుచుకోవాలని బీఆర్ఎస్ నేతలు ఆలోచిస్తున్నారు.