ఆంధ్ర ప్రదేశ్
ఓయ్-సయ్యద్ అహ్మద్
టీడీపీ అధినేత చంద్రబాబు ఇవాళ పార్టీ నేతలకు కీలక సూచనలు చేశారు. టీడీపీ కేంద్ర కార్యాలయంలో జరిగిన కార్యకర్తల శిక్షణ తరగతులకు హాజరైన ఆయన కాఫీ చాట్ కార్యక్రమంలో భాగంగా క్లస్టర్ ఇన్ చార్జిలతో సమావేశమయ్యారు. రాజకీయాలు, పరిపాలనలో గత పరిణామాలు, ప్రస్తుత సంక్షేమం-అభివృద్ధి, భవిష్యత్తు ప్రణాళికలపై కార్యకర్తలతో చంద్రబాబు మాట్లాడారు. క్షేత్రస్థాయిలో వివిధ పథకాలు, కార్యక్రమాల అమలుపై అభిప్రాయాలు తీసుకున్నారు.
రాష్ట్రంలో జరుగుతున్న పరిణామాలు, వైసీపీ చేష్టలపై సామాన్య కార్యకర్తలు కూడా బాగా విశ్లేషించుకునేలా అవగాహన పెంచుకోవాలని చంద్రబాబు సూచించారు. స్వచ్ఛ రాజకీయాలకు కేరాఫ్ అడ్రస్ గా నిలిచిన టీడీపీని నిలబెట్టేందుకు కార్యకర్తలు కృషి చేయాలన్నారు. సానుకూల రాజకీయాలు చేసి సానుకూల ఓట్లను పెంచుకోవాలని సూచించారు. గతంలో కంటే టీడీపీ ఓటు బ్యాంకు పెరగాలి. ప్రభుత్వం అమలు చేస్తున్న సంక్షేమ, అభివృద్ధి కార్యక్రమాలతో పాటు ప్రభుత్వం పడుతున్న ఇబ్బందులను కూడా ప్రజలకు అర్థమయ్యేలా చూడాలి.
గతంలో వైసీపీ 9 సార్లు కరెంటు చార్జీలు పెంచితే.. కూటమి ప్రభుత్వం తగ్గిస్తున్నదన్నారు. దీన్ని మరింత తగ్గించేందుకు చర్యలు తీసుకుంటున్నారు. సమగ్ర నీటి నిర్వహణతో భూగర్భ జలాలను పెంచడంతో పాటు ప్రాజెక్టులను నింపాం. మే 15న పంటలకు నీరు అందిస్తామని, ప్రతి కులానికి దామాషా ప్రకారం రాజకీయ ప్రాతినిథ్యం ఉంటుందని, నీతి, చిత్తశుద్ధి ఉంటేనే విలువైన రాజకీయాలు చేయగలుగుతామన్నారు. కార్యకర్తలను ఆర్థికంగా బలోపేతం చేసేందుకు ఎథికల్ ఎకనామిక్ ఎంపవర్ మెంట్ అనే వ్యవస్థను తీసుకురానున్నారు. కార్మికులు ఆరోగ్యంగా ఉండాలని, రోజూ యోగా చేయాలని, యోగా ట్రైనర్ల ద్వారా జిల్లాలో శిక్షణ ఇప్పిస్తామని చంద్రబాబు తెలిపారు.