ఆంధ్ర ప్రదేశ్
ఓయ్-సాయి చైతన్య
తెలుగు రాష్ట్రాల్లో భిన్నమైన వాతావరణ పరిస్థితులు ఉన్నాయి. ఓ వైపు ఎండలు తీవ్రంగా మండిపోతుండగా.. మరోవైపు పలు జిల్లాల్లో వర్షాలు కురిసే అవకాశం ఉందని అధికారులు హెచ్చరిస్తున్నారు. ఉత్తరాంధ్ర జిల్లాల్లో వేడి గాలులు వీచే అవకాశం ఉంది. అదే సమయంలో రాయల సీమ ప్రాంతంలో గరిష్ట ఉష్ణోగ్రతలు నమోదయ్యే సూచనలు కనిపిస్తున్నాయి. అదే సమయంలో ఉపరితల ద్రోణి కారణంగా పలు జిల్లాల్లో ఉరుములతో కూడిన తేలికపాటి నుంచి మోస్తరు వర్షాలు కురిసే అవకాశం ఉంది.
ఏపీ, తెలంగాణల్లో తీవ్రమైన వేడి గాలులు ప్రజలను ఇబ్బందులకు గురిచేస్తున్నాయి. ముఖ్యంగా విజయనగరం జిల్లాలోని బాడంగి, బొబ్బిలి, తెర్లాం, వంగర ప్రాంతాలతో పాటు పార్వతీపురం జిల్లాలోని పలు మండలాల్లో తీవ్ర వడగళ్ల వాన కురిసే అవకాశం ఉందని హెచ్చరిస్తున్నారు. ఈ పరిస్థితుల్లో మహిళలు, పిల్లలు, వృద్ధులు ప్రత్యేక జాగ్రత్తలు తీసుకోవాలని సూచించారు
ముఖ్యంగా మధ్యాహ్న సమయంలో బయటకు వెళ్లేవారు అత్యంత జాగ్రత్తగా ఉండాలని సూచించారు. ఈ ద్రోణి తెలంగాణ, రాయలసీమ, తమిళనాడు మీదుగా మన్నార్ వరకు కొనసాగుతోంది. దీని ప్రభావంతో విశాఖపట్నం, అనకాపల్లి, కాకినాడ, కోనసీమ, అన్నమయ్య, చిత్తూరు జిల్లాల్లో ఉరుములతో కూడిన తేలికపాటి నుంచి మోస్తరు వర్షాలు కురిసే అవకాశం ఉంది. ఏప్రిల్ ప్రారంభంలోనే తెలుగు రాష్ట్రాల్లో ఎండలు మండిపోతున్నాయి.
మారుతున్న వాతావరణం.. తాజా హెచ్చరికలు
తెలంగాణలోని దాదాపు 20 జిల్లాల్లో గరిష్ట ఉష్ణోగ్రతలు నమోదవుతున్నాయి. దీంతో హైదరాబాద్ వాతావరణ కేంద్రం ఆయా జిల్లాలకు ఆరెంజ్ అలర్ట్ ప్రకటించింది. రానున్న మూడు రోజుల్లో 2 నుంచి 3 డిగ్రీల మేర ఉష్ణోగ్రతలు పెరిగే అవకాశం ఉందని వెల్లడించారు. గతేడాదితో పోలిస్తే ఈసారి అన్ని జిల్లాల్లో అధిక ఉష్ణోగ్రతలు నమోదవుతున్నాయి. అత్యధికంగా ఖమ్మం జిల్లా తిరుమలాయపాలెంలో 41.6 డిగ్రీలు, భద్రాద్రి కొత్తగూడెం జిల్లా దుమ్ముగూడెంలో 41.5 డిగ్రీలు, నల్గొండ జిల్లా నేరడుగొమ్మలో 41.5 డిగ్రీలు, సూర్యాపేట జిల్లా మేళ్లచెర్వులో 41.4 డిగ్రీలు, సూర్యాపేట జిల్లా మేళ్లచెర్వులో 41.2 డిగ్రీలు, జిల్లా వార్గామలో 41 డిగ్రీలు. జిల్లా, మరియు హైదరాబాద్. 38 డిగ్రీల ఉష్ణోగ్రతలు నమోదవుతున్నాయి. గురువారం కూడా గరిష్ఠ ఉష్ణోగ్రతలు నమోదయ్యాయి. ప్రజలు పగటి పూట బయటకు వెళ్లేటప్పుడు తగు జాగ్రత్తలు తీసుకోవాలని సూచించారు. ప్రజలు పగటి పూట బయటకు వెళ్లేటప్పుడు తగు జాగ్రత్తలు తీసుకోవాలని సూచించారు.