ఆంధ్ర ప్రదేశ్
ఓయ్-సయ్యద్ అహ్మద్
ఏపీలో గత వైసీపీ ప్రభుత్వంలో పార్టీ అధికారం కోల్పోయాక పలు పదవుల్లో కీలక పాత్ర పోషించిన మాజీ ఎంపీ విజయసాయిరెడ్డి.. పదవులకు, రాజకీయాలకు దూరంగా ఉన్నారు. ఓ పక్క వ్యవసాయం చేస్తూ, మరోపక్క కేంద్ర, రాష్ట్ర ప్రభుత్వాలకు సలహాలు ఇస్తూ, అంతర్జాతీయ విషయాలపై తన అభిప్రాయాలను బాహాటంగానే చెబుతూ సోషల్ మీడియాలో హల్ చల్ చేస్తున్నాడు సాయి రెడ్డి.
ఇదే క్రమంలో కేంద్రం త్వరలో పార్లమెంట్లో ప్రవేశపెట్టనున్న మహిళా రిజర్వేషన్ బిల్లుపై విజయసాయిరెడ్డి స్పందించారు. ఇప్పటికే పార్లమెంట్ ఆమోదం పొందిన మహిళా రిజర్వేషన్ బిల్లును అమలు చేసేందుకు కేంద్రం ఈ నెలలో ప్రత్యేక సమావేశాలు నిర్వహిస్తోంది. ఈ నేపథ్యంలో మహిళలకు చట్టసభల్లో రిజర్వేషన్లు సరిపోవని విజయసాయిరెడ్డి కీలక వ్యాఖ్యలు చేశారు. మహిళా సాధికారత కోసం రాజకీయ పార్టీలు మరింత కృషి చేయాలని సూచించారు.
లోక్సభ మరియు రాష్ట్ర అసెంబ్లీలలో మహిళలకు సీట్లను రిజర్వ్ చేయడంతో పాటు, ప్రతి నమోదిత రాజకీయ పార్టీలో నాయకత్వ స్థానాల్లో మహిళలకు ఎక్కువ ప్రాతినిధ్యం ఉండేలా చూడాలి. పార్టీల్లో నిర్ణయాధికారం తీసుకునే పాత్రలను మహిళలు నిర్వహిస్తేనే నిజమైన రాజకీయ సాధికారత వస్తుంది…
— విజయసాయి రెడ్డి వి (@VSReddy_MP) ఏప్రిల్ 9, 2026
లోక్సభ, రాష్ట్ర శాసనసభల్లో మహిళలకు సీట్లు రిజర్వ్ చేయడంతో పాటు నమోదైన ప్రతి రాజకీయ పార్టీలో నాయకత్వ స్థానాల్లో మహిళలకు అధిక ప్రాతినిధ్యం ఉండేలా చూడాల్సిన అవసరం ఉందని విజయసాయిరెడ్డి ఈరోజు ట్వీట్ చేశారు. పార్టీలలో మహిళలు నిర్ణయం తీసుకునే పాత్రలు పోషిస్తూ, ఎన్నికైన స్థానాల్లోకి సజావుగా మారేందుకు సిద్ధంగా ఉన్నప్పుడే నిజమైన రాజకీయ సాధికారత సాధ్యమవుతుందని సాయిరెడ్డి వెల్లడించారు. అయితే ఈ ట్వీట్ ఎవరిని ఉద్దేశించి చేశాడో తెలియరాలేదు. విజయమ్మ గతంలో పనిచేసిన వైసీపీకి ఒకప్పుడు గౌరవ అధ్యక్షురాలు. అలాగే సీఎం చంద్రబాబు భార్య భువనేశ్వరి, కోడలు బ్రాహ్మణి ఇద్దరూ వ్యాపారం చేస్తున్నారు. ఆయా పార్టీలు తమకు కీలక పదవులు ఇవ్వాలని సాయి రెడ్డి భావిస్తున్నారా అనే చర్చ మొదలైంది.