భారతదేశం
ఓయ్-బొమ్మ శివకుమార్
భారతీయులకు బంగారం ఒక ఎమోషన్. చాలా మంది మహిళలు పెళ్లికి లేదా మరేదైనా ఫంక్షన్కు నిండుగా నగలతో వెళ్లాలని కలలు కంటారు. కానీ దేశంలో బంగారం ధరలను పరిశీలిస్తే పరిస్థితి మారిపోతుంది. ప్రస్తుతం హైదరాబాద్లో తులం బంగారం ధర రూ. 1,53,000 మరియు అంతకంటే ఎక్కువ. దీంతో ఈరోజుల్లో బంగారాన్ని కొనుగోలు చేయాల్సిన పరిస్థితి నెలకొంది. పెళ్లిళ్లు, శుభకార్యాల సీజన్ కావడంతో బంగారం కొనకుండా ఉండలేం. గత్యంతరం లేక భారతీయులు లక్షలు వెచ్చించి మరీ బంగారం కొంటున్నారు.
అయితే దేశంలో బంగారం ధరలు చూస్తే షాక్ అవుతారు. అక్కడ 24 క్యారెట్ల స్వచ్ఛమైన గ్రాముల బంగారం ధర రూ. 181-200 మధ్య. అలాగే 10 గ్రాముల బంగారం ధర అంటే తులం బంగారం ధర రూ. 2,000.. అవును వినడానికి ఆశ్చర్యంగా ఉన్నా ఇది నిజం. పాలు, రొట్టెల కంటే బంగారం అక్కడ చౌకగా లభిస్తుంది. ఆర్థిక సంక్షోభం, ద్రవ్యోల్బణం కారణంగా అక్కడ ఈ పరిస్థితి ఏర్పడింది. నిత్యావసర వస్తువుల ధరలు ఆకాశాన్నంటుతున్నాయి. బంగారం, చమురు ధరలకు మించి నిత్యావసరాల ధరలు ఉన్నాయి.
ప్రపంచంలో అతిపెద్ద చమురు మరియు బంగారు నిల్వలు కలిగిన దేశాలలో వెనిజులా ఒకటి. అయితే అనేక కారణాల వల్ల దేశంలో ఆర్థిక సంక్షోభం ఏర్పడింది. అక్కడ బంగారం, చమురు ధరల కంటే నిత్యావసర వస్తువుల ధరలు ఆకాశాన్ని తాకుతున్నాయి. వెనిజులాలో ద్రవ్యోల్బణం పెరగడంతో స్థానిక బొలివర్ కరెన్సీ విలువ పతనమైంది. వెనిజులాలో, పాలు మరియు డజను గుడ్ల ధరలు 24 క్యారెట్ల స్వచ్ఛమైన బంగారం ధర కంటే ఎక్కువగా ఉన్నాయి.
ఇక మైనింగ్ ప్రాంతాల్లోని ప్రజలు తమ వద్ద ఉన్న చిన్నపాటి బంగారం ఇచ్చి పాలు, గుడ్లు, బియ్యం వంటి నిత్యావసర వస్తువులను కొనుగోలు చేస్తున్నారు. అయితే అపారమైన చమురు, బంగారం నిల్వలున్న ధనిక దేశమైన వెనిజులాలో ఈ పరిస్థితి రావడానికి అక్కడి ప్రభుత్వాల తప్పిదమే కారణమని నిపుణులు అభిప్రాయపడుతున్నారు. అప్పులు తీర్చేందుకు ఆ దేశ అధ్యక్షుడు నికోలస్ మదురో ప్రభుత్వం విదేశాలకు భారీగా బంగారాన్ని తరలించింది. అలాగే ప్రభుత్వ అసమర్థత, అవినీతి పాలన కారణంగా వెనిజులా ఆర్థిక సంక్షోభంలో కొట్టుమిట్టాడుతోంది.