వినోదం
ఓయ్-బొమ్మ శివకుమార్
డ్యాన్స్ అనగానే మనకు మైఖేల్ జాక్సన్ గుర్తొస్తుంది. మైఖేల్ జాక్సన్ తన డ్యాన్స్తో పాప్ ప్రపంచానికి రారాజుగా నిలిచాడు. అయితే, అతని జీవిత చరిత్ర ఆధారంగా ప్రతిష్టాత్మక చిత్రం మైఖేల్. ఈ సినిమాలో మైఖేల్ జాక్సన్ మేనల్లుడు జాఫర్ జాక్సన్ ప్రధాన పాత్రలో నటించాడు. ఏప్రిల్ 24న ఈ సినిమా ప్రపంచవ్యాప్తంగా విడుదలైంది. ఈ చిత్రానికి ఆంటోని ఫుక్వా దర్శకత్వం వహిస్తున్నారు. ఈ సినిమాలో మైఖేల్ జాక్సన్ మేనల్లుడు జాఫర్ జాక్సన్ గ్రాండ్ ఎంట్రీ ఇచ్చాడనే చెప్పాలి. స్టేజ్పై అతని బాడీ లాంగ్వేజ్, ఐకానిక్ మూమెంట్స్ మరియు ఎనర్జీ చూస్తే వావ్ అనిపిస్తుంది.
ఈ సినిమా విడుదలకు ముందే ఈ సినిమాకు సంబంధించిన కొన్ని ప్రోమోలు, పాటలకు సంబంధించిన వీడియోలు సోషల్ మీడియాలో బాగా పాపులర్ అయ్యాయి. జాఫర్ జాక్సన్ స్వయంగా మైఖేల్ జాక్సన్కు రక్తసంబంధం ఉన్నందున తానే దిగివచ్చినట్లు నటించాడు. ఏప్రిల్ 24న ప్రపంచ వ్యాప్తంగా అన్ని భాషల్లో విడుదలైన ఈ చిత్రానికి మంచి రెస్పాన్స్ వచ్చింది. ముఖ్యంగా ఐమాక్స్ లాంటి పెద్ద స్క్రీన్స్ పై ఈ సినిమా చూస్తుంటే మైఖేల్ జాక్సన్ మన ముందుకు వచ్చి లైవ్ పెర్ఫార్మెన్స్ ఇస్తున్నట్లుగా అనిపిస్తోందని సోషల్ మీడియాలో నెటిజన్లు కామెంట్స్ చేస్తున్నారు. అయితే మైఖేల్ సినిమాకు ప్రపంచ వ్యాప్తంగా మంచి ఓపెనింగ్స్ వచ్చినా ఇండియా వైడ్ గా మాత్రం పెద్దగా ఓపెనింగ్స్ రాలేదని ట్రేడ్ విశ్లేషకులు అంటున్నారు.
భారతదేశంలోని అన్ని ప్రాంతీయ భాషలతో సహా మైఖేల్ సినిమా కేవలం రూ. 7 కోట్ల గ్రాస్ మాత్రమే వచ్చినట్లు సమాచారం. అయితే నార్త్ అమెరికాలో మాత్రం ఈ సినిమా తొలిరోజు 40 మిలియన్ డాలర్లు రాబట్టినట్లు తెలుస్తోంది. ఇదే ట్రెండ్ కొనసాగితే ఒక్క నార్త్ అమెరికాలోనే వీకెండ్ ముగిసే సమయానికి 90 మిలియన్ డాలర్ల వసూళ్లు రాబడుతుందని ట్రేడ్ వర్గాలు విశ్లేషిస్తున్నాయి. మైఖేల్ సినిమా ఫుల్ రన్ లో 1 బిలియన్ డాలర్లు వసూలు చేసే ఛాన్స్ ఉందని అంటున్నారు. మరోవైపు మైఖేల్ సినిమాకు రెండో భాగం రానుందని సమాచారం. రెండో భాగం ఏప్రిల్ 2028లో విడుదలయ్యే అవకాశం ఉందని సోషల్ మీడియాలో ఓ వార్త చక్కర్లు కొడుతోంది.అయితే ఈ విషయాలపై చిత్ర బృందం నుంచి ఎలాంటి అధికారిక ప్రకటన రాలేదు.