ఆంధ్ర ప్రదేశ్
ఓయ్-సాయి చైతన్య
10వ తరగతి పరీక్షల ఫలితాల వెల్లడి షెడ్యూల్ ఖరారైంది. రెండు తెలుగు రాష్ట్రాల్లోనూ పది వాల్యుయేషన్లు తుది దశకు చేరుకున్నాయి. ఈ నెల 23లోగా మూల్యాంకనం పూర్తి చేయాలని లక్ష్యంగా పెట్టుకున్నారు. ఆ తర్వాత మార్కులు.. ఫలితాల ప్రక్రియ వేగవంతం కానుంది. అదే సమయంలో ఎక్కడా పొరపాట్లకు అవకాశం లేకుండా ఫలితాలు విడుదల చేసేందుకు ప్రయత్నాలు చేస్తున్నారు. ఫలితాల తేదీపై అంచనా వేయబడింది.
తెలుగు రాష్ట్రాల్లో 10వ తరగతి ఫలితాల విడుదలకు అధికారులు కసరత్తు చేస్తున్నారు. ఏపీలో ఇప్పటికే పరీక్ష పేపర్ల వాల్యుయేషన్ పూర్తి కాగా, తెలంగాణలో ఈ నెల 23న షెడ్యూల్ పూర్తి చేయాలని నిర్ణయించారు. ఏపీలో మార్చి 16 నుంచి ఏప్రిల్ 1 వరకు జరిగిన 10వ తరగతి పరీక్షలకు 6,40,916 మంది విద్యార్థులు హాజరయ్యారు. రాష్ట్రవ్యాప్తంగా ఏప్రిల్ 6 నుంచి ఏప్రిల్ 15 వరకు మూల్యాంకనం కొనసాగింది. ప్రస్తుతం మార్కుల ప్రాసెసింగ్ జరుగుతోంది. తొలుత ఈ నెల చివరి వారంలో ఫలితాలు విడుదల చేయాలని అధికారులు భావించారు. ఇదిలా ఉండగా 10వ తరగతి ఫలితాలను మే మొదటి వారంలోగా ప్రకటించాలని పాఠశాల విద్యాశాఖ నిర్ణయించినట్లు తెలుస్తోంది. ఇప్పటికే ఇంటర్ ఫలితాలు వెలువడినందున ఈ నెలాఖరులోగానీ, వచ్చే నెల మొదటి వారంలోగానీ వీలైనంత త్వరగా ఫలితాలు వెల్లడిస్తామన్నారు.
ఈ నెల 30 లేదా ఏప్రిల్ 2, 3 తేదీల్లో ప్రకటన
కాగా, తెలంగాణలో మార్చి 14న ప్రారంభమైన 10వ తరగతి పరీక్షలు ఏప్రిల్ 13న ముగియగా.. మొత్తం 5.17 లక్షల మంది రెగ్యులర్ విద్యార్థులు రాశారు. తెలంగాణలో 10వ తరగతి పరీక్షా పేపర్ల వాల్యుయేషన్ ఏప్రిల్ 1 నుంచి ప్రారంభం కాగా.. ఈ మూల్యాంకన ప్రక్రియ ఏప్రిల్ 23న ముగుస్తుంది. ఈ ప్రక్రియ పూర్తయ్యాక మార్కుల నమోదు ప్రక్రియకు మరో పదిరోజులు పడుతుందని అధికారులు అంచనా వేస్తున్నారు. దీంతో 10వ తరగతి ఫలితాలను మే 4 లేదా 5న ప్రకటించాలని భావిస్తున్న అధికారులు.. వీలైనంత త్వరగా ఫలితాలు ప్రకటించేందుకు ప్రయత్నిస్తున్నామని వెల్లడించారు. గతేడాది ఏప్రిల్ 30న ఫలితాలు వెలువడ్డాయి. ఈ ఏడాది కూడా ఏప్రిల్ 30 లేదా మే మొదటి వారంలో ఫలితాలు వెల్లడించేందుకు కసరత్తు జరుగుతోంది.