ఆరోగ్యం
ఓయ్-బొమ్మ శివకుమార్
రోజూ ఒకే రకమైన కూరగాయలు తినడం వల్ల విసుగు చెందుతున్నారా? మీరు కూరగాయలు లేకుండా కొత్తదాన్ని ప్రయత్నించాలనుకుంటున్నారా? అయితే సూపర్ టేస్టీ ‘బటానీ మసాలా’ కూర ట్రై చేయండి.. తక్కువ పదార్థాలతో ఈ కూర రుచికరంగా తయారవుతుంది. బటానీ మసాలా కూర పిల్లల నుండి పెద్దల వరకు చాలా ఇష్టం. అయితే ఈ టేస్టీ పొటాటో మసాలా కర్రీని ఎలా తయారు చేయాలి..? కావలసిన పదార్థాలు ఏమిటి?
బఠానీ మసాలా కూర తయారీకి కావాల్సిన పదార్థాలను పరిశీలిస్తే.. ఒక కప్పు పచ్చిబఠానీలు, రెండు సన్నగా తరిగిన ఉల్లిపాయలు, అల్లం వెల్లుల్లి పేస్ట్ పావు టేబుల్ స్పూన్, పసుపు, పావు టేబుల్ స్పూన్ జీలకర్ర పొడి, మూడు టేబుల్ స్పూన్ల నూనె, రెండు టమోటాలు, రెండు పచ్చిమిర్చి, రెండు టేబుల్ స్పూన్లు ధనియాల పొడి, రుచికి సరిపడా ఉప్పు, కొత్తిమీర తురుము.
బటానీ మసాలా కూర చేసే విధానం చూస్తే ముందుగా బాణలిలో నూనె వేసి వేడయ్యాక ఉల్లిపాయలు, పచ్చిమిర్చి వేసి బంగారు రంగు వచ్చేవరకు వేయించాలి. ఇప్పుడు అల్లం వెల్లుల్లి పేస్ట్ వేసి మంచి వాసన వచ్చేవరకు కలపాలి. ఇప్పుడు టొమాటో పేస్ట్, పసుపు, కారం, ఉప్పు మరియు ధనియాల పొడి వేసి మసాలా దినుసులను బాగా ఉడికించాలి. ఇప్పుడు ఈ మిశ్రమంలో బఠానీలు వేసి రెండు మూడు నిమిషాలు వేయించాలి.
ఇప్పుడు ఆ మిశ్రమంలో నీళ్లు, జీలకర్ర పొడి, గరం మసాలా పొడి వేయాలి. కూర చిక్కబడే వరకు ఉడికించాలి. చివరగా కూరను కొత్తిమీర తురుముతో గార్నిష్ చేస్తే.. సూపర్ టేస్టీ బటానీ మసాలా కర్రీ రెడీ..