రైతులకు ఏపీ ప్రభుత్వం శుభవార్త – 24 గంటల్లో నిధులు జమ..!! | రైతులకు వరి సేకరణ & చెల్లింపు వివరాలను ఏపీ మంత్రి నాదెండ్ల మనోహర్ వెల్లడించారు

Written by

ఆంధ్ర ప్రదేశ్

ఓయ్-సాయి చైతన్య

ప్రచురించబడింది: బుధవారం, ఏప్రిల్ 8, 2026, 15:08 [IST]

రైతులకు ఏపీ ప్రభుత్వం ఓ పెద్ద అప్‌డేట్. అధికారంలోకి వచ్చిన తర్వాత సంకీర్ణ ప్రభుత్వం రైతుబంధు పథకాలకు పెద్దపీట వేస్తోంది. అన్నదాత సంక్షేమ నిధులను ఇప్పటి వరకు రెండు విడతలుగా చెల్లించారు. పీఎం కిసాన్‌తో పాటు ఈ నిధులు విడుదలయ్యాయి. కాగా, ఇప్పుడు రైతులకు ఇస్తున్న చెల్లింపులపై మంత్రి మనోహర్ కీలక ప్రకటన చేశారు. ఎవరూ ఊహించని విధంగా 24 గంటల్లోనే రైతుల ఖాతాల్లోకి నిధులు జమ అవుతున్నాయని వెల్లడించారు.

రబీ ధాన్యం సేకరణపై ప్రభుత్వం కీలక ప్రకటన చేసింది. ధాన్యం కొనుగోళ్లు ప్రారంభించినట్లు పౌరసరఫరాల శాఖ మంత్రి నాదెండ్ల మనోహర్ తెలిపారు. ఖరీఫ్ సీజన్ ధాన్యం సేకరణ విజయవంతంగా పూర్తయిందని, సాగులో జాప్యం జరిగినా కొన్ని చోట్ల రికార్డు స్థాయిలో ధాన్యం సేకరణ పూర్తి చేశామన్నారు. అదే విధంగా రబీ సీజన్ ధాన్యాన్ని సేకరిస్తున్నామని, సేకరణ ప్రక్రియ ఇప్పటికే ప్రారంభమైందన్నారు. ఎలాంటి అక్రమాలు, పొరపాట్లు లేకుండా రైతుల నుంచి ధాన్యం తీసుకుంటామని స్పష్టం చేశారు. ఇందుకోసం ఇప్పటికే అన్ని ఏర్పాట్లు పూర్తి చేసినట్లు నాదెండ్ల మనోహర్ తెలిపారు. ధాన్యం కొనుగోలు చేసిన 24 గంటల్లో రైతుల బ్యాంకు ఖాతాల్లో నిధులు జమ చేసేందుకు చర్యలు తీసుకున్నామని మనోహర్ స్పష్టం చేశారు. ఈ ఏడాది 51 లక్షల మెట్రిక్ టన్నుల ధాన్యం సేకరించామని, 24 గంటల్లో రూ.11,300 కోట్లను రైతులకు అందించామన్నారు.