భారతదేశం
ఓయ్-చంద్రశేఖర్ రావు
ఐదు రాష్ట్రాల అసెంబ్లీ ఎన్నికల్లో భాగంగా ప్రధాని నరేంద్ర మోదీ ఈ మధ్యాహ్నం పశ్చిమ బెంగాల్లో పర్యటించారు. హల్దియాలో జరిగిన భారీ బహిరంగ సభలో ప్రసంగించారు. పశ్చిమ బెంగాల్పై వాగ్దానాల వర్షం కురిపించారు. అత్యంత కీలకమైన ఆరు హామీలను ప్రకటించారు. చట్టబద్ధమైన పాలనపై విశ్వాసాన్ని పునరుద్ధరించడం మరియు ప్రజలకు పూర్తి జవాబుదారీ పాలన అందించడమే లక్ష్యమని ఆయన వివరించారు. 7వ వేతన సంఘం అమలు, తృణమూల్ హయాంలో అవినీతి, కుంభకోణాలు, మహిళలపై క్రిమినల్ కేసుల పునఃప్రారంభం వంటివి ఇందులో ఉన్నాయి.
మమతా బెనర్జీ నేతృత్వంలోని తృణమూల్ కాంగ్రెస్ ప్రభుత్వాన్ని గూండాయిజం అని ప్రధాని మోదీ అభివర్ణించారు. రాష్ట్రంలో బీజేపీ ప్రభుత్వం ఏర్పడిన తర్వాత ఏ ఒక్క తృణమూల్ గూండా కూడా చట్టం నుంచి తప్పించుకోలేరని హెచ్చరించారు. ఆరు హామీల్లో మొదటిది – రాష్ట్రంలో భయానక వాతావరణాన్ని తమ ప్రభుత్వం తొలగిస్తుందని మోదీ చెప్పారు. చట్టంపై విశ్వాసం, బాధితులకు సత్వర న్యాయం, న్యాయ వ్యవస్థపై విశ్వాసం పునరుద్ధరిస్తామన్నారు.
తమ ప్రభుత్వ హయాంలో ప్రజలకు జవాబుదారీగా, పూర్తి బాధ్యతగా పరిపాలన సాగుతుందని మోదీ అన్నారు. బెంగాల్ ప్రజల తక్షణావసరమైన తృణమూల్ మోడల్లా కాకుండా పారదర్శకమైన పరిపాలనను అందిస్తానని చెప్పారు. వ్యవస్థ కూడా జవాబుదారీగా ఉండేలా ప్రతి రాష్ట్రం చూస్తుందని ఆయన హామీ ఇచ్చారు.
ప్రతి కుంభకోణం, అవినీతి, ఆడపిల్లలపై జరుగుతున్న అన్యాయం, అత్యాచారం కేసుల ఫైళ్లన్నింటినీ మళ్లీ తెరవడమే మూడో హామీ అని మోదీ స్పష్టం చేశారు. తృణమూల్ పాలనలో అవినీతికి పాల్పడిన వారందరూ జైలుకు వెళ్లాల్సి వస్తుందని, మంత్రి అయినా, వాచ్మెన్ అయినా.. చట్టం అందరినీ బాధ్యులను చేస్తుందని తేల్చారు. తృణమూల్ గూండాలెవరూ చట్టం నుంచి తప్పించుకోరని మోదీ హామీ ఇచ్చారు.
శరణార్థులకు రాజ్యాంగం కల్పించిన ప్రతి హక్కు, అధికారం కల్పిస్తామని మోదీ ఐదో హామీగా ప్రకటించారు. అక్రమార్కులను దేశం నుంచి తరిమికొడతామని, వారిని దేశంలో ఉండనివ్వబోమన్నారు. తమ ప్రభుత్వం ఏర్పడిన తర్వాత రాష్ట్ర స్థాయిలో ఏడో వేతన సంఘం అమలు చేసి ప్రతి ఉద్యోగికి దాని ఫలాలు అందేలా చూస్తామన్నారు. ఇది తన ఆరో హామీ అని వ్యాఖ్యానించారు. రాష్ట్రాభివృద్ధికి ప్రధాని, ముఖ్యమంత్రి కలిసి పనిచేయడం అత్యవసరం.