భారీ ఈదురు గాలులు, ఉరుములతో కూడిన జల్లులు – ఈ జిల్లాలకు తాజా హెచ్చరికలు..!! | రాబోయే కొద్ది గంటల్లో ఉత్తర కోస్తా & మన్యం జిల్లాలకు వర్షాలపై APSDMA తాజా హెచ్చరికలను జారీ చేసింది, వివరాలు ఇక్కడ ఉన్నాయి

Written by

ఆంధ్ర ప్రదేశ్

ఓయ్-సాయి చైతన్య

ప్రచురించబడింది: శుక్రవారం, ఏప్రిల్ 10, 2026, 16:10 [IST]

తెలుగు రాష్ట్రాల్లో భిన్నమైన వాతావరణం నెలకొంది. ఓ వైపు ఎండల తీవ్రత పెరుగుతోంది. మరోవైపు పలు జిల్లాల్లో అకాల వర్షాలు కొనసాగుతున్నాయి. ద్రోణి ప్రభావంతో మరో రెండు రోజుల్లో పలు జిల్లాల్లో వర్షాలు కురిసే అవకాశం ఉందని ఏపీలోని విపత్తుల శాఖ అంచనా వేస్తోంది. తాజాగా మారుతున్న వాతావరణంలో ఉరుములతో పాటు ఎగువన అప్రమత్తమైంది. అదేవిధంగా రానున్న మూడు గంటల్లో ఉత్తరాంధ్ర జిల్లాల్లో తేలికపాటి నుంచి భారీ వర్షాలు కురిసే అవకాశం ఉందని ఆంధ్రప్రదేశ్ రాష్ట్ర విపత్తు నిర్వహణ సంస్థ వెల్లడించింది.

ఏపీ, తెలంగాణల్లో వాతావరణంలో కొత్త మార్పులు వస్తున్నాయి. ఎండలు మండుతుండగా అకాల వర్షాలు కురుస్తున్నాయి. ప్రస్తుతం కొనసాగుతున్న ద్రోణి ప్రభావంతో ఉత్తరాంధ్ర జిల్లాల్లో వాతావరణం మారే అవకాశం ఉన్నందున ప్రజలు తగిన జాగ్రత్తలు తీసుకోవాలని విపత్తు నిర్వహణ శాఖ అధికారులు సూచించారు. ఉత్తరాంధ్ర, మన్యం జిల్లాల్లో ఉరుములతో కూడిన వర్షం కురిసే అవకాశం ఉందని హెచ్చరించారు. రానున్న మూడు గంటల్లో ప్రధానంగా విజయనగరం, విశాఖపట్నం, అల్లూరి సీతారామరాజు, అనకాపల్లి జిల్లాల్లో వర్షాలు కురిసే అవకాశం ఉందని వెల్లడించారు. ఉరుములతో కూడిన తేలికపాటి నుంచి మోస్తరు వర్షాలు కురిసే అవకాశం ఉందని తెలిపారు. గంటకు 40 నుంచి 50 కిలోమీటర్ల వేగంతో ఈదురు గాలులు వీస్తాయని వారు తెలిపారు.