భారతదేశం
ఓయ్-సాయి చైతన్య
బీహార్ కొత్త సీఎం ఖరారైంది. రాజ్యసభ సభ్యుడిగా ప్రమాణ స్వీకారం చేసిన నితీష్ రేపు బీహార్ సీఎం పదవికి రాజీనామా చేయనున్నారు. అదే సమయంలో బీజేపీ-జేడీయూ శాసనసభ్యుల సమావేశం ఏర్పాటు చేశారు. ఈ సమావేశానికి బీజేపీ పరిశీలకునిగా కేంద్ర మంత్రి శివరాజ్ సింగ్ చౌహాన్ హాజరుకానున్నారు. బీహార్ కొత్త సీఎం ఖరారు కాగానే నితీశ్ రాజకీయ భవిష్యత్తుపై బీజేపీ అధినాయకత్వం క్లారిటీ ఇచ్చింది. మోడీ-షా ద్వయం 2029 ఎన్నికల దిశగా అడుగులు వేస్తోంది.
బీహార్ సీఎం నితీశ్ రేపు (మంగళవారం) రాజీనామా చేయనున్నారు. బీజేపీ నుంచి కొత్త సీఎం ఖరారైంది. ఎన్డీయే శాసనసభా పక్ష సమావేశంలో అధికారికంగా ఎంపిక చేయనున్నారు. కొత్త సీఎంపై ప్రధాని మోదీ, అమిత్ షా ఓ నిర్ణయానికి వచ్చారు. ఎన్నో తర్జన.. భర్జనల తర్వాత బీహార్ కొత్త సీఎం పేరు వైపు బీజేపీ నేత సామ్రాట్ చౌదరి మొగ్గు చూపుతున్నట్లు పార్టీ వర్గాలు చెబుతున్నాయి. నితీష్ కుమార్ మంగళవారం ఏప్రిల్ 14 ఉదయం 11 గంటలకు కేబినెట్ సమావేశం నిర్వహించనున్నారు. పాట్నాలో జరిగే ఈ సమావేశం అనంతరం ఆయన తన సీఎం పదవికి రాజీనామా చేయనున్నారు. ఆ తర్వాత ఎన్డీయే శాసనసభ్యుల సమావేశం జరగనుంది. ఈ సమావేశంలో ఎన్డీయే కొత్త శాసనసభా పక్ష నేతను ఎన్నుకోనున్నారు. ఆ నేత బీహార్ సీఎంగా ఎన్నికవుతారు. సామ్రాట్ చౌదరి బీజేపీలో సీనియర్ నాయకుడు. ప్రస్తుతం బీహార్ డిప్యూటీ సీఎంగా ఉన్నారు. 2023లో బీహార్ బీజేపీ అధ్యక్షుడయ్యారు.
మోదీ-షా వ్యూహాత్మక నిర్ణయాలు
ఓబీసీలోని కొయ్యరీ సామాజికవర్గానికి చెందిన సామ్రాట్ చౌదరిని సీఎంగా బీజేపీ అధిష్టానం ఎంపిక చేసినట్లు తెలుస్తోంది. ఎన్డీయే కూటమిలో కీలక సభ్యుడిగా ఉన్న జేడీయూ అధినేత నితీశ్ కుమార్ సీఎంగా కొనసాగారు. ఆయన రాజ్యసభకు వెళ్లనున్నందున ఇప్పుడు బీజేపీ తరపున సీఎం పదవి చేపట్టనున్నారు. మంగళవారం జరగనున్న ఎన్డీయే శాసనసభా పక్ష సమావేశానికి కేంద్ర మంత్రి శివరాజ్సింగ్ చౌహాన్ బీజేపీ పరిశీలకుడిగా వ్యవహరిస్తున్నారు. ఏప్రిల్ 14న నితీశ్ తన రాజీనామాను గవర్నర్కు సమర్పిస్తే, ఏప్రిల్ 15న సామ్రాట్ చౌదరి సీఎంగా బాధ్యతలు స్వీకరించనున్నారు.ప్రధాని మోదీతో పాటు కేంద్ర హోంమంత్రి అమిత్ షా ప్రమాణ స్వీకారోత్సవానికి హాజరుకానున్నారు. ప్రస్తుతం రాజ్యసభ సభ్యుడిగా కొనసాగుతున్న నితీష్ కు భవిష్యత్తులో ఢిల్లీలో కేంద్ర మంత్రిగా కీలక పదవి ఇప్పించేలా బీజేపీ నేతలు ఒప్పించినట్లు తెలుస్తోంది.