వినోదం
ఓయ్-బొమ్మ శివకుమార్
సినిమా పరిశ్రమలో ప్రతిభ ఉన్నవారికి అవకాశాలు ఎప్పుడూ ఉంటాయి. ఎలాంటి బ్యాక్ గ్రౌండ్ లేకుండా సొంత టాలెంట్ తో ఇండస్ట్రీలోకి వచ్చి సొంత కాళ్లపై నిలబడి ఉన్నత స్థాయిలో రాణిస్తున్నవారు ఎందరో ఉన్నారు. కోలీవుడ్ యంగ్ హీరో ప్రదీప్ రంగనాథన్ ఆ కోవకు చెందినవాడు. ప్రదీప్ రంగనాథన్ ఒక్కో సినిమాతో దూసుకుపోతూ.. వరుస హిట్లతో దూసుకుపోతున్నాడు.
ప్రదీప్ రంగనాథన్ లవ్ టుడే, డ్రాగన్ మరియు డ్యూడ్ అనే మూడు చిత్రాలతో వరుసగా బ్లాక్ బస్టర్ హిట్స్ అందుకున్నారు. అనతికాలంలోనే తనకంటూ ప్రత్యేక అభిమానులను ఏర్పరచుకున్నాడు. ప్రదీప్ రంగనాథన్ సినిమా వస్తోందంటే యూత్ అంతా చూస్తున్నారు. కొత్త కాన్సెప్ట్తో సినిమాలు చేయడం ఆయన స్పెషాలిటీ.. ఇక ఆయన లేటెస్ట్ మూవీ LIK ఏప్రిల్ 10న ప్రపంచవ్యాప్తంగా థియేటర్లలోకి రావడానికి రెడీ అవుతోంది.
ఈ సినిమాలో ప్రదీప్ రంగనాథన్ సరసన ఉప్పెన బ్యూటీ కృతిశెట్టి హీరోయిన్గా నటిస్తోంది. అలాగే ఎస్జే సూర్య కీలక పాత్రలో నటిస్తున్నారు. ఈ చిత్రానికి విఘ్నేన్ శివన్ దర్శకత్వం వహిస్తున్నారు. ఇంకా ఈ సినిమాలో యోగిబాబు, సీమాన్, గౌరీ కిషన్, షరా, మాళవిక కీలక పాత్రల్లో మెరిశారు. అనిరుధ్ ఈ చిత్రానికి సంగీతం అందించారు. LIK చిత్రాన్ని నయనతార, లలిత్ కుమార్, ఎల్కే విష్ణు కుమార్ సంయుక్తంగా నిర్మిస్తున్నారు. ఇప్పటికే విడుదలైన టీజర్, ట్రైలర్ సినిమాపై అంచనాలను పెంచేశాయి.
రీసెంట్ గా ఈ సినిమా ప్రివ్యూ షోని చెన్నైలో కొందరు టాలీవుడ్ సెలబ్రిటీలు, మీడియా ప్రతినిధులకు చూపించారు. సినిమా చూసి వారు ఇచ్చిన రివ్యూ ఇప్పుడు సోషల్ మీడియాలో వైరల్ అవుతోంది. 2040 నాటికి టెక్నాలజీ పీక్స్కు చేరుకుంటుంది.మొబైల్కు బానిసైన ఓ అమ్మాయి.. పిచ్చి పిచ్చిగా యాప్స్ని వాడుతోంది. అయితే ఓ అబ్బాయి తొలి చూపులోనే ఆ అమ్మాయితో ప్రేమలో పడతాడు. అయితే ప్రతి ముఖ్యమైన విషయానికి ఇన్సూరెన్స్ తీసుకునే వ్యక్తులు.. ప్రేమకు బీమా ఎందుకు తీసుకోరు.. ప్రేమకు కూడా బీమా చేసేందుకు LIK అనే యాప్ను రూపొందించారు ఓ ప్రముఖ వ్యక్తి.
ఇక ఈ LIK యాప్ యూత్లో క్రేజ్ని పెంచుతుంది. మీరు అతన్ని ప్రేమించగలరా? అతను మనకు తగినవాడు కాదా? మోసం చేస్తున్నావా? ఈ యాప్ ఇలాంటి వాటిని ముందే అంచనా వేస్తుంది. ఈ యాప్ ద్వారా హీరోయిన్ కూడా హీరోతో కనెక్ట్ అవుతుంది. అయితే ఈ యాప్లో ఓ రోజు హీరోయిన్ని హీరో మోసం చేసినట్లు చూపించారు. ఇద్దరి మధ్య బ్రేకప్ అవుతుంది. ఆ తర్వాత ఏం జరిగింది అనేది ఈ సినిమా స్టోరీ లైన్. LIK సినిమా ఏప్రిల్ 10న ప్రేక్షకుల ముందుకు రానుంది.. పూర్తి రివ్యూ కోసం మరో మూడు రోజులు ఆగాల్సిందే..