క్రీడలు
-చంద్రశేఖర్ రావు
IPL 2026లో భాగంగా, చెపాక్లో జరిగిన ఉత్కంఠభరితమైన మ్యాచ్లో చెన్నై సూపర్ కింగ్స్ 5 వికెట్ల తేడాతో ఓడిపోయింది, ఈ సీజన్లో వరుసగా రెండో ఓటమి. అంతకుముందు జరిగిన మ్యాచ్లో రాజస్థాన్ రాయల్స్ చేతిలో కూడా ఎల్లో ఆర్మీ ఓడిపోయింది. పంజాబ్ కింగ్స్ వరుసగా రెండో విజయం సాధించింది. జట్టు హ్యాట్రిక్ దిశగా దూసుకుపోతోందా?
చెన్నై చెపాక్ ఎంఏ చిదంబరం స్టేడియంలో పంజాబ్ కింగ్స్ టాస్ గెలిచి బౌలింగ్ ఎంచుకుంది. తొలుత బ్యాటింగ్ చేసిన చెన్నై సూపర్ కింగ్స్ 20 ఓవర్లలో 5 వికెట్ల నష్టానికి 209 పరుగుల భారీ స్కోరు నమోదు చేసింది. ఓపెనర్ సంజూ శాంసన్ మరోసారి విఫలమయ్యాడు. ఏడు పరుగులు మాత్రమే చేసి అవుటయ్యాడు.
యువ ఆటగాడు ఆయుష్ మాత్రే తన అద్భుత ఆటతీరుతో జట్టును ఆదుకున్నాడు. మొదట్లో తొలి నాలుగు బంతుల్లో పరుగులు రాబట్టేందుకు ఇబ్బంది పడిన ఆయుష్.. అదే బార్ట్లెట్ ఓవర్లో వరుసగా 3 ఫోర్లు బాది దూకుడు ప్రదర్శించాడు. దీంతో పవర్ ప్లేలో చెన్నై 6 ఓవర్లలో 57 పరుగులు చేసింది. ఈ క్రమంలో ఆయుష్ మాత్రే కేవలం 29 బంతుల్లోనే హాఫ్ సెంచరీ పూర్తి చేసుకున్నాడు. అతని ఐపీఎల్ కెరీర్లో ఇది రెండోది.
కెప్టెన్ రుతురాజ్ గైక్వాడ్తో కలిసి ఆయుష్ రెండో వికెట్కు 96 పరుగుల కీలక భాగస్వామ్యం నెలకొల్పాడు. గైక్వాడ్ నిలకడగా ఆడగా, మార్కో జాన్సెన్ బౌలింగ్లో ఆయుష్ 2 సిక్సర్లు బాది భారీ స్కోరుకు పునాదులు వేశాడు. సర్ఫరాజ్ ఖాన్ చివరి ఓవర్లలో తుఫాను ఇన్నింగ్స్ తో మెరిశాడు. గత మ్యాచ్లో ఇంపాక్ట్ ప్లేయర్గా వచ్చిన సర్ఫరాజ్ ఈసారి తుది జట్టులోకి వచ్చి అర్ష్దీప్ ఓవర్లో వరుసగా 3 ఫోర్లతో 12 బంతుల్లో 32 పరుగులతో అద్భుత ఇన్నింగ్స్ ఆడాడు.
శివమ్ దూబే 5 ఫోర్లు, ఒక సిక్సర్తో అజేయంగా 45 పరుగులు చేసి చెన్నైని 209/5కి చేర్చాడు. 210 పరుగుల లక్ష్యాన్ని ఛేదించేందుకు పంజాబ్ కింగ్స్ ఓపెనర్లు అద్భుత ఆరంభాన్ని అందించారు. ప్రియాంష్ ఆర్య 11 బంతుల్లో 3 ఫోర్లు, 4 సిక్సర్లతో 39 పరుగులు, ప్రభ్ సిమ్రాన్ సింగ్ 34 బంతుల్లో 6 ఫోర్లు, ఒక సిక్సర్ తో 43 పరుగులు చేశారు. వీరిద్దరూ తొలి వికెట్కు 61 పరుగుల భాగస్వామ్యాన్ని నెలకొల్పారు.
కూపర్ కొన్నోలీ 22 బంతుల్లో 36 పరుగులు చేశాడు. కెప్టెన్ శ్రేయాస్ అయ్యర్ 29 బంతుల్లో 4 ఫోర్లు, 3 సిక్సర్లతో అజేయంగా 50 పరుగులు చేసి జట్టును విజయతీరాలకు చేర్చాడు. గత గుజరాత్ మ్యాచ్లో కొన్నాళ్లకు షాట్ గాయమైనప్పటికీ, శ్రేయాస్ కీలక అర్ధ సెంచరీతో తన నాయకత్వాన్ని ప్రదర్శించాడు. పంజాబ్ బ్యాట్స్ మెన్ దూకుడు ముందు చెన్నై బౌలర్లు ప్రభావం చూపలేకపోయారు. మ్యాట్ హెన్రీ 4 ఓవర్లలో 54 పరుగులిచ్చి 2 వికెట్లు తీయగా, అన్షుల్ కాంబోజ్ 2 వికెట్లు తీసి లక్ష్యాన్ని కాపాడలేకపోయారు.
చెన్నై సూపర్ కింగ్స్ సొంత మైదానం చెపాక్ స్టేడియంలో వరుసగా ఎనిమిది మ్యాచ్ల్లో ఓడిపోయినట్లు తెలుస్తోంది. గత ఐపీఎల్లో ఆ జట్టు ప్రత్యర్థులకు వరుసగా ఐదు మ్యాచ్లు సమర్పించుకుంది. ఇప్పుడు మరో జోడీ వచ్చింది. వరుసగా ఆరుసార్లు ఓడిపోయింది.