క్రీడలు
ఓయ్-సాయి చైతన్య
ఐపీఎల్ 2026 కీలక దశకు చేరుకుంది. ప్లే ఆఫ్స్ కోసం జట్ల మధ్య పోటీ నెలకొంది. లీగ్ చివరి దశలో అంచనాలు మారుతున్నాయి. ప్లే ఆఫ్కు చేరుకునే నాలుగు జట్లను ఇంకా నిర్ణయించాల్సి ఉంది. పాయింట్ల పట్టికలో తొలి నాలుగు స్థానాల్లో ఉన్న జట్లు కచ్చితంగా ప్లేఆఫ్కు వెళ్తాయా లేదా అనేది ఇప్పటికీ సందేహంగానే ఉంది. అదే సమయంలో ఐపీఎల్ 2026లో బెస్ట్ కెప్టెన్ ఎవరన్నదానిపై ఆసక్తికర చర్చ సాగుతోంది.ఈ సీజన్లో బెస్ట్ కెప్టెన్ ఎవరనే దానిపై సీనియర్ క్రికెటర్ అంబటి రాయుడు తన అభిప్రాయాన్ని స్పష్టం చేశాడు.
ఐపీఎల్ 2026లో ప్లేఆఫ్స్కు చేరుకోవడానికి జట్లు తుది పోరులో ఉన్నాయి. పాయింట్ల పట్టికలో కొన్ని జట్లు ఎలాంటి అంచనాలు లేకుండా తొలి నాలుగు స్థానాల్లో నిలిచాయి. ఈ సీజన్లో ఎవరు బెస్ట్ కెప్టెన్ అని అంబటి రాయుడు విశ్లేషించాడు. ఇప్పటికే కొన్ని జట్లు టోర్నీ నుంచి నిష్క్రమించాయి. ప్రస్తుత పట్టికలో ఆర్సీబీ, గుజరాత్లు తొలి రెండు స్థానాల్లో ఉన్నాయి. ఇదిలా ఉండగా.. ప్లే ఆఫ్ రేసు నుంచి ముంబై.. గుజరాత్ నిష్క్రమించింది. అంబటి రాయుడు చేసిన వ్యాఖ్యలు ఇప్పుడు చర్చనీయాంశంగా మారాయి. ఒక ప్రముఖ స్పోర్ట్స్ ఛానెల్తో మాట్లాడిన అంబటి రాయుడు, ఐపీఎల్ 2026లో శుభ్మాన్ గిల్ను ఉత్తమ కెప్టెన్గా పేర్కొన్నాడు. గిల్ సారథ్యంలో గుజరాత్ టైటాన్స్ అద్భుత ప్రదర్శన చేస్తుంది. అదేవిధంగా ఈ సీజన్లో కెప్టెన్లకు తన ర్యాంకింగ్స్ ఇచ్చాడు.
గుజరాత్ టైటాన్స్కు మరిన్ని అవకాశాలు
అంబటి రాయుడు ఇచ్చిన ర్యాగింగ్స్ ప్రకారం మొదటి ర్యాంక్ శుభమన్ గిల్ మొదటి స్థానంలో ఉన్నాడు. ఆర్సీబీ కెప్టెన్ రజిత్ పటేదార్ రెండో స్థానంలో ఉన్నాడు. సన్రైజర్స్ కెప్టెన్ కమిన్స్ మూడో స్థానంలో ఉన్నాడు. రాయుడు చెన్నై సూపర్ కింగ్స్ కెప్టెన్ రుతురాజ్ గైక్వాడ్కు నాలుగో స్థానాన్ని ఇచ్చాడు. లక్నో కెప్టెన్ పంత్ ఈ సీజన్లో అత్యంత నిరాశపరిచిన కెప్టెన్. ఈ టోర్నీలో గుజరాత్ అన్ని విభాగాల్లోనూ రాణిస్తోంది. బ్యాటింగ్, బౌలింగ్, ఫీల్డింగ్లో ఈ జట్టు నిలకడగా రాణిస్తోంది. ఇప్పటి వరకు 12 మ్యాచ్ లాడిన గుజరాత్ 8 మ్యాచ్ లు గెలిచి 16 పాయింట్లతో టేబుల్ టాపర్ గా కొనసాగుతోంది. కెప్టెన్ శుభమ్ గిల్ వ్యక్తిగతంగా అద్భుతమైన ఫామ్లో ఉండడంతో జట్టుకు కలిసొచ్చింది. గిల్ దూకుడుతో దాదాపు ప్లే ఆఫ్స్ ఖాయం చేసుకున్న గుజరాత్ ఈసారి టైటిల్ ఫేవరెట్ జట్టుగా కనిపిస్తోంది.