తెలంగాణ
ఓయ్-సాయి చైతన్య
తెలుగు రాష్ట్రాలకు కేంద్రం శుభవార్త చెప్పింది. చాలా కాలంగా ప్రతిపాదనలకే పరిమితమైన ఈ ప్రాజెక్టుకు గ్రీన్ సిగ్నల్ వచ్చింది. ఈ ప్రాజెక్టు ద్వారా రెండు రాష్ట్రాల మధ్య ప్రయాణికుల అవసరాలు తీరుతాయి. ఈ ప్రతిష్టాత్మక ప్రాజెక్టు పూర్తయితే శ్రీశైలం ప్రయాణ ముఖచిత్రమే మారిపోనుంది. రెండు రాష్ట్రాల మధ్య రవాణా వ్యవస్థ మెరుగుపడుతుంది. ఈ ప్రాజెక్ట్కి సంబంధించి అధికారిక ప్రకటనకు సంబంధించిన తుది పని జరుగుతోంది.
శ్రీశైలం ఘాట్ రోడ్డులో దాదాపు 41 కిలోమీటర్ల మేర ప్రతిపాదిత ఎలివేటెడ్ కారిడార్ (స్కైవే)కు గ్రీన్ సిగ్నల్ లభించింది. దీని ద్వారా శ్రీశైలం పుణ్యక్షేత్రానికి వెళ్లే భక్తులు, పర్యాటకులు రానున్న రోజుల్లో సులభతరమైన ప్రయాణాన్ని పొందడమే కాకుండా ప్రకృతి అందాలను కొత్త కోణంలో చూసే అవకాశం కూడా కలగనుంది. నల్లమల అడవుల్లో సాగే ఈ యాత్రలో వన్యప్రాణులకు ఎలాంటి ఇబ్బంది కలగకుండా పర్యావరణాన్ని పరిరక్షిస్తూ ఈ భారీ ప్రాజెక్టును చేపట్టేందుకు అధికారులు ప్రణాళికలు సిద్ధం చేస్తున్నారు. ప్రతిపాదిత ఎలివేటెడ్ కారిడార్ వల్ల ప్రయాణ సమయం గణనీయంగా తగ్గడమే కాకుండా ప్రమాదాల బెడదను కూడా నివారించవచ్చు. అడవికి పైన పిల్లర్ల మీద నిర్మించిన ఈ రోడ్డు కింద జంతువుల సంచారానికి ఇబ్బంది లేకుండా డిజైన్ చేశారు. ఈ ప్రాజెక్టుకు సంబంధించిన ప్రాథమిక సర్వేలు ఇప్పటికే పూర్తయ్యాయి.
శ్రీశైలం భక్తులకు సౌకర్యం
నేషనల్ హైవేస్ అథారిటీ ఆఫ్ ఇండియా (NHAI) కేంద్ర ప్రభుత్వ సహకారంతో ఈ నిర్మాణాన్ని చేపడుతోంది. తెలంగాణ, ఆంధ్రప్రదేశ్ సరిహద్దులను కలిపే ఈ రహదారి రెండు రాష్ట్రాల మధ్య రవాణా వ్యవస్థను మెరుగుపరుస్తుంది. పర్యాటక రంగ అభివృద్ధిని దృష్టిలో ఉంచుకుని ఈ కారిడార్లో వ్యూ పాయింట్లు, ఇతర సౌకర్యాలు కల్పించేందుకు ప్రభుత్వం ప్రణాళికలు సిద్ధం చేస్తోంది. రవాణా సౌకర్యంతో పాటు నల్లమ అటవీ అందాలను పర్యాటకులు తిలకించేలా ప్రాజెక్టును రూపొందిస్తున్నారు. ప్రపంచ స్థాయి ప్రమాణాలతో ఈ ఎలివేటెడ్ కారిడార్ను నిర్మించడం వల్ల ఆధ్యాత్మిక పర్యాటకంతో పాటు ఎకో-టూరిజంకు భారీ ప్రోత్సాహం లభిస్తుంది. ఈ నిర్మాణానికి సంబంధించిన పనులు త్వరలో పూర్తి కానున్నాయి. ఇందుకోసం రూ.18,500 కోట్ల బడ్జెట్ అవసరమవుతుందని అధికారులు అంచనా వేశారు. ఇది అందుబాటులోకి వస్తే శ్రీశైలం వెళ్లే భక్తులకు మేలు జరుగుతుంది.