క్రీడలు
oi-ఉప్పల శివప్రసాద్
వైడ్ బౌన్సర్ల విషయంలో ఫాస్ట్ బౌలర్లకు వెసులుబాటు కల్పించేలా ప్రస్తుత నిబంధనను మార్చాలని భారత క్రికెట్ దిగ్గజం సునీల్ గవాస్కర్ సూచించాడు. ప్రస్తుతం ఐసీసీ క్రికెట్ కమిటీ చైర్మన్గా ఉన్న సౌరవ్ గంగూలీ ఇందుకు చొరవ తీసుకోవాలని అభ్యర్థించారు. ఈ తరం క్రికెట్లో బౌలర్లపై బ్యాట్స్మెన్ ఆధిపత్యం పెరుగుతోందని, ప్రస్తుత నిబంధనలతో ఫాస్ట్ బౌలర్లు వణుకుతున్నారని గవాస్కర్ అభిప్రాయపడ్డాడు.
బ్యాట్స్మెన్ శాసించే పొట్టి క్రికెట్లో బౌలింగ్ చేయడానికే బౌలర్లు వణికిపోతున్నారని, అందుకే వారికి కాస్త ఉపశమనం కలిగించేలా నిబంధనలు తీసుకురావాలని గవాస్కర్ సూచించాడు. ఐసీసీ క్రికెట్ కమిటీ తదుపరి సమావేశంలో, వైడ్ బౌన్సర్ల అంశాన్ని తప్పనిసరిగా ప్రస్తావించాలని గంగూలీ కోరాడు. ఓ జాతీయ దినపత్రికలో రాసిన కాలమ్లో సునీల్ గవాస్కర్ ఈ విషయాన్ని ప్రస్తావించారు.
బ్యాటర్ తలపై నుంచి కొంచెం ఎత్తుకు వెళ్లే బౌన్సర్ను కూడా వైడ్ బాల్గా పరిగణిస్తారు. దీంతో పేసర్లకు ఇబ్బందిగా మారింది. ఒక చేతిని వెనుకకు కట్టి బౌలింగ్ చేయమని చెప్పినట్లు ఉంది. ఈ వైడ్లో పేసర్లకు కొంత వెసులుబాటు ఇవ్వండి. బంతిని వెనక్కి నెట్టేందుకు తగినంత స్థలం ఉన్నప్పటికీ బౌలర్లు చిన్నపాటి బౌండరీలు బాదుతూ ఓడిపోతున్నారు.
బ్యాటర్ తన సాధారణ స్థితిలో ఉన్నప్పుడు బంతి అతని తలపైకి వెళితే, అది వైడ్గా పరిగణించబడుతుంది. ఈ విధానంతో పేసర్లు ఎక్కువగా నష్టపోతున్నారు. బ్యాటింగ్ పొజిషన్లో ఉన్నప్పుడు బౌన్సర్ని బ్యాట్స్మెన్ తలకు ఒక అడుగు దూరం వరకు వచ్చేలా ఆ నిబంధనను కొద్దిగా మార్చడం వల్ల పేసర్లకు కొంత ఉపశమనం లభిస్తుంది. మరింత ఉత్సాహంతో బౌలింగ్ చేసేలా ప్రోత్సహిస్తానని సునీల్ గవాస్కర్ తన కాలమ్లో రాశాడు.