తెలంగాణ
ఓయి-లింగారెడ్డి గజ్జల
అధికారంలో లేకపోవచ్చు.. కానీ ఆయన మాటలకు ఉన్న పవర్ ఏంటో మరోసారి రుజువైంది. సిద్దిపేట జిల్లా కొండపోచమ్మ సాగర్ సాక్షిగా రూసా దళపతి, మాజీ సీఎం కేసీఆర్ ఒక్క ఫోన్ కాల్ చేస్తే చాలు. ‘ఫామ్ హౌస్ కే పరిమితమయ్యారు సారు’ అని విమర్శిస్తున్న ప్రత్యర్థులకు కేసీఆర్ తనదైన శైలిలో ‘ఎక్కడైనా పాలించగలడు’ అని సమాధానమిచ్చారు.
సిద్దిపేట జిల్లా ములుగు మండలంలోని కొట్యాల, అల్లినగర్, అడవి మాజీద్, క్షీరసాగర్ తదితర గ్రామాల్లో వందల ఎకరాల్లో పంట పొలాలు నీరులేక ఎండిపోతున్నాయి. కొండపోచమ్మ సాగర్ నుంచి సంగారెడ్డి, ఆలేరు కాల్వలకు నీటిని విడుదల చేస్తున్నా తమ గ్రామాలకు చెందిన కాల్వలకు నీరు అందడం లేదని రైతులు ఆవేదన వ్యక్తం చేశారు. అధికారుల చుట్టూ తిరిగినా ఫలితం లేకపోవడంతో విసుగు చెందిన రైతులు డీసీసీబీ మాజీ డైరెక్టర్ అంజిరెడ్డిని ఆశ్రయించారు.
సీన్లోకి ప్రవేశించిన ‘ఎర్రవల్లి’ బాస్!
రైతుల కష్టాలు విన్న అంజిరెడ్డి నేరుగా ఎర్రవల్లి పొలంలో కేసీఆర్ను కలిశారు. ఎండిపోతున్న పంటల ఫొటోలను చూసిన కేసీఆర్ వెంటనే నీటిపారుదల శాఖ ఉన్నతాధికారులకు ఫోన్ చేశారు. ‘రైతులు కన్నీళ్లు పెట్టుకోవద్దు… పంటలు ఎండిపోతుంటే అధికారులు ఏం చేస్తున్నారు.. వెంటనే నీళ్లు వదలండి’ అంటూ తనదైన శైలిలో సూచించారు.
వేగంగా నడిచిన యంత్రాంగం!
ఆశ్చర్యం ఏంటంటే.. కేసీఆర్ ఫోన్ చేసిన కొద్దిసేపటికే పరిపాలనలో కదలిక వచ్చింది. అప్పటి వరకు సవాలక్ష కారణాలు చెప్పిన అధికారులు మాజీ సీఎం ఆదేశాలతో వెంటనే అప్రమత్తమయ్యారు. కూలిపోయిన కొండపోచమ్మ సాగర్ నుంచి కాల్వలకు నీటిని విడుదల చేశారు. కాల్వల్లో నీరు పెరుగుతుంటే రైతుల కళ్లలో ఆనందం వెల్లివిరిసింది.
సోషల్ మీడియాలో వైరల్:
ఈ ఘటన ఇప్పుడు తెలంగాణ రాజకీయాల్లో హాట్ టాపిక్గా మారింది. అధికారంలో లేకపోయినా ఫోన్ కాల్ తో కేసీఆర్ యంత్రాంగాన్ని నడిపించడంపై సోషల్ మీడియాలో నెటిజన్లు భిన్నంగా స్పందిస్తున్నారు. సీఎం సీటులో ఉన్నా లేకపోయినా కేసీఆర్ క్రేజ్ వేరు’’ అంటూ ఆయన అభిమానులు పోస్టులు పెడుతున్నారు. ఫామ్ హౌస్ నుంచి పాలన సాగించే సత్తా ఆయనకు ఉందని ఈ ఘటన మరోసారి స్పష్టం చేసింది. తమ పంటలను కాపాడిన కేసీఆర్కు ఆయా గ్రామాల రైతులు మనస్ఫూర్తిగా కృతజ్ఞతలు తెలుపుతున్నారు.