విద్య ఉద్యోగాలు
ఓయ్-సయ్యద్ అహ్మద్
AP ఇంటర్మీడియట్ ఫలితాలు (AP ఇంటర్ ఫలితాలు 2026) విడుదలకు సంబంధించి ప్రభుత్వం ఈరోజు ఒక ముఖ్యమైన ప్రకటన చేసింది. ఈ ఏడాది ఇంటర్ ప్రథమ, ద్వితీయ సంవత్సరం పరీక్షల ఫలితాల కోసం ఎదురుచూస్తున్న అభ్యర్థుల ఉత్కంఠకు తెరదించుతూ విద్యాశాఖ మంత్రి నారా లోకేశ్ ఈ మేరకు ఎక్స్లో క్లారిటీ ఇచ్చారు. ఫలితాల విడుదల తేదీ, సమయం తదితర వివరాలను ఏకకాలంలో వెల్లడించారు.
ఈ నిరీక్షణకు రేపటితో తెరపడుతుందని విద్యాశాఖ మంత్రి నారా లోకేష్ ఈరోజు ట్వీట్ చేశారు. ఇంటర్మీడియట్ పబ్లిక్ ఎగ్జామినేషన్స్ (ఐపీఈ) 2026, 1వ మరియు 2వ సంవత్సరం విద్యార్థుల ఫలితాలను ఏప్రిల్ 15న ఉదయం 10:31 గంటల నుంచి విడుదల చేయనున్నట్లు ఆయన తెలిపారు. మీ ఫలితాలను వెంటనే https://resultsbie.ap.gov.inలో లేదా క్యూలలో నిలబడకుండా తనిఖీ చేయండి – WhatsApp (9552300009)లోని మా స్నేహితుడికి “హాయ్” అని పంపండి మరియు సెకన్లలో మీ ఫలితాన్ని పొందండి. ప్రతి విద్యార్థికి ఆల్ ది బెస్ట్! ఇది మీ క్షణం. వెళ్లి రాణించాలన్నారు.
నిరీక్షణ రేపటితో ముగుస్తుంది!
1వ & 2వ సంవత్సరం విద్యార్థులకు ఇంటర్మీడియట్ పబ్లిక్ ఎగ్జామినేషన్స్ (IPE) 2026 ఫలితాలు ఏప్రిల్ 15న ఉదయం 10:31 నుండి విడుదల కానున్నాయి.
వద్ద తక్షణమే తనిఖీ చేయండి https://t.co/UDtk11c781 లేదా క్యూలను దాటవేయండి – WhatsApp (9552300009)లో మన మిత్రకు “హాయ్” పంపండి మరియు…
– లోకేష్ నారా (@naralokesh) ఏప్రిల్ 14, 2026
ఈ ఏడాది ఏపీ ఇంటర్మీడియట్ 1వ, 2వ సంవత్సరం పరీక్షలకు మొత్తం 10.57 లక్షల మంది విద్యార్థులు దరఖాస్తు చేసుకున్నారు. అందులో మొదటి సంవత్సరంలో 5.31 లక్షల మందికి పైగా విద్యార్థులు హాజరయ్యారు. అలాగే 2వ సంవత్సరంలో 5.26 లక్షల మంది పరీక్షలకు హాజరయ్యారు. వారంతా ఇప్పుడు ఫలితాల కోసం ఆసక్తిగా ఎదురుచూస్తున్నారు. వారు వెబ్సైట్తో పాటు వాట్సాప్ ద్వారా ఫలితాలు తెలుసుకునేలా ప్రభుత్వం ఏర్పాట్లు చేసింది. రేపు ఫలితాలు వెలువడిన తర్వాత ఇవి అందుబాటులోకి రానున్నాయి.