తెలంగాణ
ఓయి-లింగారెడ్డి గజ్జల
రాష్ట్రంలో ఎంపీటీసీ, జెడ్పీటీసీ ఎన్నికల నిర్వహణపై గందరగోళం కొనసాగుతోంది. మే, జూన్ నెలల్లో అధికారులు పలు ముఖ్య కార్యక్రమాల్లో పాల్గొంటారు. ప్రభుత్వం చేపట్టాల్సిన ఇంటింటి సర్వే బాధ్యతలను క్షేత్రస్థాయి అధికారులకు అప్పగించడంతో ఆ పనుల్లో నిమగ్నమయ్యారు. దీనికి తోడు కొత్త విద్యా సంవత్సరం ప్రారంభం కానుండడంతో ప్రభుత్వ పాఠశాలల్లో అడ్మిషన్ల పెంపుపై విద్యాశాఖ దృష్టి సారించింది. ఈ ప్రక్రియలన్నింటికీ జూలై నెలాఖరు వరకు సమయం పట్టే అవకాశం ఉన్నందున అప్పటి వరకు ఎన్నికలు జరిగే అవకాశం లేకపోలేదు.
ఉద్యోగుల బదిలీల కలకలం..
ఎన్నికల జాప్యానికి మరో ప్రధాన కారణం ప్రభుత్వ ఉద్యోగుల బదిలీలు సక్రమంగా జరగడం. గత కొంత కాలంగా బదిలీలపై ఉన్న నిషేధాన్ని ఎత్తివేస్తూ ఆర్థిక శాఖ (జీవో నంబర్ 38) స్పష్టమైన ఉత్తర్వులు జారీ చేసింది. వచ్చే నెల 1 నుంచి 31వ తేదీ వరకు రాష్ట్రవ్యాప్తంగా బదిలీల ప్రక్రియ కొనసాగనుంది. మూడేళ్ల సర్వీసు పూర్తిచేసిన వారికి బదిలీకి అవకాశం కల్పిస్తుండగా, నాలుగేళ్ల సర్వీసు పూర్తయిన వారికి తప్పనిసరిగా బదిలీలు కల్పిస్తారు.
2027 మే నాటికి పదవీ విరమణ పొందిన వారికి మినహాయింపు.. ఒకే కేడర్లో 40 శాతానికి మించి బదిలీలు ఉండకూడదని ప్రభుత్వం నిబంధన విధించింది. ఉద్యోగులంతా ఈ బదిలీల ప్రక్రియలో ఉన్నందున ఎన్నికల విధులకు సిబ్బంది కొరత ఏర్పడే అవకాశం ఉంది.
ఆగస్టు తర్వాత షెడ్యూల్?
ప్రభుత్వ యంత్రాంగం ఇప్పుడు జనాభా లెక్కలు, ఉద్యోగుల నియామకం మరియు విద్యా రంగంపై పూర్తిగా దృష్టి సారించింది. ఈ కార్యక్రమాలన్నీ సజావుగా పూర్తి కావడానికి జూలై వరకు సమయం పడుతుంది. ఈ నేపథ్యంలో ఆగస్టు లేదా ఆ తర్వాత స్థానిక సంస్థల ఎన్నికల షెడ్యూల్పై ప్రభుత్వం తుది నిర్ణయం తీసుకునే అవకాశం ఉంది. అప్పటి వరకు రాష్ట్రంలో ఎన్నికల హడావుడి తగ్గనుంది.