ఆంధ్ర ప్రదేశ్
ఓయ్-సాయి చైతన్య
ఏపీ ప్రభుత్వం కీలక నిర్ణయం తీసుకుంది. రెండు జిల్లాల్లో ప్రత్యేక సెలవులు ప్రకటించారు. ఈ మేరకు అధికారిక ఉత్తర్వులు వెలువడ్డాయి. ప్రస్తుతం దేశవ్యాప్తంగా ఐదు రాష్ట్రాల అసెంబ్లీ ఎన్నికలు జరుగుతున్నాయి. కేరళ, పుదుచ్చేరి, అస్సాంలో ఇప్పటికే పోలింగ్ ప్రక్రియ పూర్తయింది. ఈ నెల 23న తమిళనాడు, పశ్చిమ బెంగాల్లో తొలి దశ ఎన్నికలు జరుగుతున్నాయి. ఈ సమయంలో రెండు జిల్లాలకు సంబంధించి ఓటు హక్కు ఉన్న వారికి సెలవులు మంజూరు చేస్తూ ప్రభుత్వం ఉత్తర్వులు జారీ చేసింది.
తమిళనాడులోని చిత్తూరు, తిరుపతి జిల్లాల్లోని ఓటింగ్ ఉద్యోగులకు ఏపీ ప్రభుత్వం ఈ నెల 23న అధికారికంగా సెలవు మంజూరు చేసింది. దీంతో తమ సొంత రాష్ట్రాల్లో ఓటు హక్కు వినియోగించుకునే వెసులుబాటు లభించింది. ప్రభుత్వ ఆదేశాల ప్రకారం ఈ సెలవు కేవలం ప్రభుత్వ కార్యాలయాలకే పరిమితం కాకుండా ప్రైవేట్ రంగానికి కూడా వర్తిస్తుంది. రాష్ట్రంలోని అన్ని రకాల కర్మాగారాలు, వాణిజ్య సంస్థలు, దుకాణాలు, ఇతర సంస్థల్లో పనిచేస్తున్న అర్హులైన కార్మికులు, ఉద్యోగులకు పోలింగ్ రోజున వేతనంతో కూడిన సెలవు ఇస్తున్నట్లు ప్రభుత్వం స్పష్టం చేసింది. ఓటు వేయడానికి వెళ్లే ఉద్యోగుల జీతంలో ఎలాంటి కోత పెట్టవద్దని యాజమాన్యాలకు ఆదేశాలు జారీ చేశారు.
తమిళనాడు ఎన్నికల ప్రత్యేక సెలవు
తమిళనాడు ఓటర్లకు 23న ప్రత్యేక సెలవుదినం. ఇక్కడ పని చేస్తూనే సొంత ప్రాంతంలో ఓటు హక్కు వినియోగించుకునే వెసులుబాటు కల్పిస్తూ ఈ నిర్ణయం తీసుకున్నారు. ఇతర రాష్ట్రాల నుంచి వచ్చి ఇక్కడ స్థిరపడిన వారికి దూర ప్రాంతాలకు వెళ్లి ఓటు వేసేందుకు తగిన సమయం కల్పించడమే ఈ ఆర్డర్ ప్రధాన ఉద్దేశమని అధికారులు చెబుతున్నారు. ఈ రెండు జిల్లాల్లో అర్హులైన ఓటర్లకు సెలవులు మంజూరు చేశారు. ఎన్నికల్లో ఓటు హక్కు ఉన్న ప్రతి ఉద్యోగికి సెలవు మంజూరు చేస్తున్నట్లు ప్రభుత్వం ఉత్తర్వుల్లో స్పష్టం చేసింది. ఇక.. ప్రభుత్వ విద్యాసంస్థలకు ఈ నెల 23 నుంచి వేసవి సెలవులు ప్రారంభం కానున్నాయి.