క్రీడలు
ఓయ్-జక్కీ మహేష్
ఐపీఎల్ 2026 సీజన్లో ముంబై ఇండియన్స్ జట్టు ప్రదర్శనపై భారత మాజీ స్పిన్నర్ రవిచంద్రన్ అశ్విన్ సంచలన వ్యాఖ్యలు చేశాడు. హార్దిక్ పాండ్యా నేతృత్వంలోని ముంబై జట్టు ఈ సీజన్లో వరుస వైఫల్యాలను చవిచూస్తుండడంతో.. ఆ జట్టుపై తనకు నమ్మకం లేదని అశ్విన్ స్పష్టం చేశాడు. 8 మ్యాచ్ల్లో కేవలం రెండు విజయాలతో పాయింట్ల పట్టికలో తొమ్మిదో స్థానంలో ఉన్న ముంబై చాలా బాధాకరంగా ఉందని రవిచంద్రన్ అశ్విన్ వాపోయాడు.
ముఖ్యంగా ఏప్రిల్ 29న సన్ రైజర్స్ హైదరాబాద్ జట్టుతో జరిగిన మ్యాచ్ లో 243 పరుగుల భారీ స్కోరును కొనసాగించడంలో ముంబై బౌలర్లు విఫలమవడం రవిచంద్రన్ అశ్విన్ ను విస్మయానికి గురి చేసింది. ఓ యూట్యూబ్ ఛానెల్లో జర్నలిస్టు విమల్ తివారీతో అశ్విన్ మాట్లాడుతూ.. ‘ముంబై జట్టు ఇలా ఆడుతున్నప్పుడు నా మెదడు అస్సలు పనిచేయడం లేదు. ఇది ఎలా సాధ్యమో అర్థం కావడం లేదు. టోర్నీ ప్రారంభానికి ముందు ఇది నా ఫేవరెట్ జట్టు. కానీ ఇప్పుడు వారి పరిస్థితి చూస్తుంటే నాకు జాలి కలుగుతోంది.
ముంబై జట్టు పుంజుకుంటుందా? అనే ప్రశ్నకు రవిచంద్రన్ అశ్విన్ సమాధానమిస్తూ నిరాశ వ్యక్తం చేశాడు. “నాకు అస్సలు ఆశ లేదు. ఎందుకంటే వారి బౌలింగ్ ట్రెండ్ చూడండి… KKRపై 220 పరుగులు ఇచ్చారు, KKRపై మరే ఇతర జట్టు కూడా అన్ని పరుగులు ఇవ్వలేదు. ముంబై మొదట బౌలింగ్ చేస్తే, 230-240 పరుగులు ఇస్తుంది. బ్యాటింగ్ లైనప్ కూడా కష్టాల్లో ఉంది. బ్యాటింగ్ మరియు బౌలింగ్ రెండూ విఫలమైతే, విజయాలు ఎక్కడ నుండి వస్తాయి?” అని రవిచంద్రన్ అశ్విన్ ప్రశ్నించారు.
📢 ముంబై ఇండియన్స్ కోసం రవి అశ్విన్ భావోద్వేగానికి గురయ్యాడు
అశ్విన్ చెప్పారు:
“ఈ సీజన్లో ముంబై ఎలా ఆడిందనే దాని గురించి నేను పూర్తిగా షాక్ అయ్యాను, ఇది ఎలా సాధ్యమవుతుందో నా మనస్సు ప్రాసెస్ చేయడం లేదు. మరియు నిజాయితీగా చెప్పాలంటే, ముంబై ఇండియన్స్ని చూస్తున్నప్పుడు నేను వారి పట్ల జాలిపడుతున్నాను. వారు నా… pic.twitter.com/Zhg0Zwv3Fz— AK 45 (@ImRo45_Club) ఏప్రిల్ 29, 2026
హార్దిక్ పాండ్యా కెప్టెన్సీలో ముంబై ఇండియన్స్ జట్టు పుంజుకోవాలంటే అద్భుతం జరగాల్సిందే. గత సీజన్లో 5 మ్యాచ్ల్లో ఒక్క మ్యాచ్లో మాత్రమే గెలిచి ప్లేఆఫ్కు చేరిన చరిత్ర ముంబైకి ఉన్నప్పటికీ, ఈసారి పరిస్థితి చాలా భిన్నంగా ఉందని అశ్విన్ అభిప్రాయపడ్డాడు. మే 2న చెన్నై సూపర్ కింగ్స్తో జరిగే తదుపరి మ్యాచ్ ముంబై భవిష్యత్తును నిర్ణయించనుంది. ఆ మ్యాచ్లోనూ ఓడిపోతే ఐపీఎల్ 2026లో ముంబై ప్రయాణం దాదాపు ముగిసినట్లేనని విశ్లేషకులు భావిస్తున్నారు.